Që kur ishim fëmijë, shumë prej nesh i lanim flokët çdo ditë, me mendimin se nëse trupit i duhej pastrim çdo ditë, pse jo edhe flokëve? Por më vonë, dëgjuam këshilla kontradiktore -“shampoja është e dëmshme,” “floku nuk duhet larë shpesh,” e kështu me radhë. Por, a është me të vërtetë shampoja e dëmshme për flokët? Dhe cilat janë rregullat për ta përdorur siç duhet? Ekspertët na dhanë përgjigjet që kërkonim!

A është shampoja e keqe për flokët?

Sipas stilistes së flokëve Yene A. Damtew, nuk ka asgjë të keqe në përdorimin e shampos. “Pasja e një skalpi të pastër është thelbësore për flokë të shëndetshëm,” thotë ajo.

Dermatologu Dr. Deeptej Singh shton se është e vërtetë që shampo mund të largojë vajrat natyrale që mbrojnë skalpin dhe fijet e flokut, por nuk duhet as tepruar, as neglizhuar. Çelësi është ekuilibri i artë: “Mos e lani flokun as shumë shpesh, as shumë rrallë,” thekson ai.

Sa shpesh duhet t’i lash flokët?

Frekuenca ideale varet nga disa faktorë personalë: lloji i flokut, trajtimet kimike, aktiviteti fizik, medikamentet dhe klima. Dr. Singh shpjegon se mesatarja varion nga një herë në ditë deri në një herë në javë.

Nëse ke flokë të hollë apo të yndyrshëm, larja më e shpeshtë është e nevojshme. Ndërsa flokët e dendur apo kaçurrela mund të lahen më rrallë. Flokët e trajtuar kimikisht, si ato të lyer apo të drejtë, janë më të brishtë, prandaj kanë nevojë për më pak larje.

Mos i lani flokët për një kohë të gjatë! Kjo mund të shkaktojë inflamacion të skalpit, kruarje dhe zbokth për shkak të akumulimit të yndyrës dhe majave të tepërta.

Si të zgjedhësh shampon e duhur?

Mundësitë janë të pafundme: hidratues, për volum, kundër zbokthit apo për mbrojtjen e ngjyrës. Zgjidhja varet nga lloji i flokëve dhe skalpit.

Flokë të yndyrshëm: Zgjidh një shampo pastruese ose kundër zbokthit. Ajo ndihmon në heqjen e yndyrës së tepërt pa tharë flokët.

Flokë normalë: Shampo hidratues është ideale. Këto shpesh përmbajnë përbërës si acid citrik apo sodium benzoat, të cilët mbajnë ekuilibrin natyral të lagështisë.

Flokë të trajtuar kimikisht: Kërko produkte me ceramide dhe proteina, që ndihmojnë në rigjenerim dhe mbrojnë ngjyrën.

Si ta përdorësh shampon siç duhet?

Fillimisht, lag flokët mirë. Apliko një sasi të vogël shampoje (mund të nevojitet më shumë për flokë të gjatë ose kaçurrela). Fokusoje tek skalpi dhe masazho lehtë për të hequr yndyrën dhe produktet e mbetura. Shampo e tepërt në gjatësi mund t’i thajë flokët.

Mos harro ta shpëlash mirë, për të shmangur mbetjet që mund të shkaktojnë matje apo zbokth. Në fund, apliko një balsam për të mbrojtur fijet e flokëve dhe për t’i dhënë forcë.

Dhe mbaj mend: flokët e shëndetshëm nuk janë vetëm çështje shampoje. Një skalp i pastër, një dietë e balancuar dhe kujdesi i brendshëm janë thelbësore për flokë të bukur dhe të fortë!

Artikuj të sugjeruar: