Bishti mbetet një nga modelet më klasike dhe praktike të flokëve për verën. Qoftë i lëmuar, i ulët apo i kapur lart, ai është gjithmonë një zgjedhje elegante dhe e sigurt për ditët e nxehta. Por këtë sezon, versioni klasik po merr një transformim shumë më guximtar.

Quhet “Medusa ponytail” dhe është modeli viral i flokëve që po pushton TikTok-un dhe Instagramin. I frymëzuar nga figura mitologjike e Medusës, ky look kombinon bishtin klasik me shumë gërsheta që dalin nga vetë bishti, duke krijuar një efekt dramatik, dinamik dhe super modern.

Pamja mund të duket e komplikuar, por në fakt realizohet shumë lehtë edhe në shtëpi. Mjafton të kapni flokët në një bisht dhe më pas të ndani gjatësinë në seksione të vogla, të cilat mund t’i gërshetoni ose përdredhni në fije të holla.

Me pak xhel për efekt sleek dhe disa llastikë të vegjël, rezultati del yll.

Ky model flokësh është ideal për festivale, festa verore apo edhe për një look më fashion në përditshmëri. Ai arrin të duket njëkohësisht elegant dhe shumë veror.

Trendit i janë bashkuar tashmë edhe emra të njohur si Ciara, Kim Kardashian dhe Lizzo, të cilat e kanë kthyer “Medusa ponytail” në një nga modelet më të komentuar të momentit.

Look-u kombinohet perfekt me makeup glam, penel të theksuar, buzë me shkëlqim dhe outfit-e street style.

Nëse këtë verë doni një version më interesant nga modeli klasik i bishtit, “Medusa ponytail” është pa diskutim trendi më cool dhe më i guximshëm që mund të provoni.