A je ai/ajo që ndriçon çdo dhomë me praninë tënde apo ndihesh më rehat kur je vetëm me mendimet e tua? Ndoshta je diku në mes? Ky test i detajuar i personalitetit të ndihmon të kuptosh më mirë veten.
1. Po shkon në një festë ku njeh vetëm një person. Si reagon?
A) E shoh si mundësi për të njohur njerëz të rinj.
B) Qëndroj me personin që njoh, por përpiqem të bashkëbisedoj me të tjerët.
C) Qëndroj afër mikut tim dhe nuk nis vetë biseda.
D) Ka gjasa të mos shkoj fare.
2. Në zyrë ndodh një debat spontan. Si vepron?
A) Futem direkt në debat.
B) Marr pjesë nëse ndjej se kam diçka të rëndësishme për të thënë.
C) Mund të dëgjoj me vëmendje, por rrallë ndërhyj.
D) Ndihem në siklet dhe dua të largohem.
3. Të ftojnë të flasësh për një temë për të cilën je ekspert/e. Do të jesh përpara një audience. Si ndihesh?
A) I/e emocionuar.
B) Pak nervoz/e, por ia dal.
C) E bëj, por ndjej shumë presion.
D) Do bëja gjithçka për të mos e bërë.
4. Në fundjavë, ke kohë të lirë pa angazhime. Çfarë bën?
A) Organizoj diçka me miqtë.
B) Një kafe me një mik/mikeshë do ishte ideale.
C) Shijoj kohën vetëm me një libër ose serial.
D) Planifikoj një ditë krejtësisht vetëm.
5. Në autobus, dikush fillon një bisedë me ty. Si reagon?
A) Përfshihem menjëherë dhe e shijoj.
B) Bisedoj për pak, por nuk e zgjas shumë.
C) Jam i/e sjellshëm/me, por ndjehem pak në siklet.
D) Përpiqem ta shmang me çdo mënyrë.
6. Në një grup pune:
A) Marr drejtimin dhe flas hapur.
B) Punoj mirë me të tjerët, por nuk dua të jem lider.
C) Kam ide, por nuk i ndaj gjithmonë.
D) Preferoj të më jepet një detyrë dhe ta bëj vetë.
7. Të ndodh të ftohesh në tri evente brenda javës. Çfarë bën?
A) Shkoj në të tria.
B) Zgjedh 1.
C) Mund të shkoj në një nëse jam në humor.
D) I refuzoj të gjitha.
8. Si ndihesh kur je i/e rrethuar nga shumë njerëz për shumë kohë?
A) Shumë mire.
B) Nuk më bezdis, por më lodh pak.
C) Më shterojnë energjitë.
D) Ndjej nevojë urgjente të iki.
9. Cili aktivitet të jep më shumë kënaqësi?
A) Të organizoj evente apo udhëtime me të tjerët.
B) Biseda të thella me miq të ngushtë.
C) Krijimi i diçkaje vetë (shkrim, pikturë, muzikë).
D) Koha vetëm me mendimet e mia.
10. Çfarë ndodh pas një ditë me shumë ndërveprime sociale?
A) Ndihem mirë.
B) Pak i/e lodhur, por jam ok.
C) Shumë i/e lodhur.
D) Totalisht i/e shteruar. Më duhet të “izolohem”.
11. Si i përjeton situatat kur ke shumë vëmendje mbi vete?
A) I adhuroj.
B) Mund t’i përballoj, por nuk i kërkoj.
C) Ndjehem pak në siklet.
D) Më shkaktojnë ankth.
12. Zgjidh: të dalësh në darkë me miqtë vs të qëndrosh në shtëpi vetëm?
A) Të dal me miqtë
B) Varet nga dita.
C) Të qëndroj vëtëm më josh më shumë.
D) Zgjedh gjithmonë vetminë.
Si të llogaritësh rezultatin tënd: Numëro sa herë ke zgjedhur A, B, C ose D.
Nëse ke më shumë A – Ekstrovertët e guximshëm (lexo në vijim se cila nënkategori të përshtatet)
Ekstroverti gazmor: Social dhe i hapur, i do turmat dhe është gjithmonë në qendër të vëmendjes.
Ekstroverti entuziast: Plot energji, pozitiv dhe përhap gëzim kudo që shkon.
Ekstroverti aventurier: I pëlqen rreziku, ndryshimet dhe aventura.
Ekstroverti i veprimit: Lider natyral, i drejtohet veprimit më shumë sesa mendimit.
Nëse ke më shumë B – Ambivertët (lexo në vijim se cila nënkategori të përshtatet)
Ekstroverti karizmatik: Aktiv në biseda, por gjithashtu di të tërhiqet kur është e nevojshme.
Ambiverti i balancuar: Ndihesh mirë si në vetmi, ashtu edhe në shoqëri, shumë fleksibël.
Ekstroverti mbështetës: Social, por i fokusuar më shumë në marrëdhënie kuptimplota sesa në numër.
Nëse ke më shumë C – Introvertët mendimtarë (lexo në vijim se cila nënkategori të përshtatet)
Introverti reflektiv: I thellë, meditues dhe i tërhequr pas mendimeve personale.
Introverti ankthioz: Ndjen pasiguri në situata sociale, preferon ambiente të njohura.
Introverti mendimtar: Preferon të dëgjojë, të mendojë dhe të analizojë para se të flasë.
Nëse ke më shumë D – Introvertët e thellë (lexo në vijim se cila nënkategori të përshtatet)
Introverti selektiv: I kujdesshëm në zgjedhjen e njerëzve që afron pranë vetes.
Introverti i vetmuar: Gjen kënaqësi dhe qetësi në vetminë e tij.
Introverti i rezervuar: I heshtur, privat dhe i vështirë për t’u “lexuar”.
