Një tjetër trend ushqimor po pushton mediat sociale: uji i bamjes. Përgatitja është e thjeshtë: bamjet priten në copa dhe vendosen në ujë për disa orë, zakonisht gjatë natës. Gjatë kësaj kohe, bamja lëshon mukozën e saj natyrale, duke i dhënë ujit një "strukturë" pak më të trashë.
Popullariteti i kësaj pijeje lidhet kryesisht me faktin se bamja është e pasur me fibra, veçanërisht fibra të tretshme. Këto mund të ndihmojnë në funksionimin normal të sistemit tretës dhe në mbështetjen e mikrobiomës së zorrëve. Përveç fibrave, bamja përmban edhe vitamina, minerale dhe komponime antioksiduese.
Nga tretja te sheqeri në gjak, çfarë pretendohet online?
Në rrjetet sociale, uji i bamjes është shoqëruar me një sërë pretendimesh, nga përmirësimi i tretjes dhe lëkura më e pastër, deri te kontrolli më i mirë i sheqerit në gjak. Kjo ka bërë që shumë njerëz ta përfshijnë në rutinën e tyre të përditshme, duke e konsideruar një mënyrë të thjeshtë për të shtuar vlera ushqyese në dietë.
Megjithatë, këtu duhet bërë një dallim i rëndësishëm. Shumica e përfitimeve që lidhen me këtë trend kanë të bëjnë me bamjen si ushqim, dhe jo domosdoshmërisht me ujin që përftohet pasi ajo qëndron në të. Kërkimet specifike mbi ujin e bamjes janë ende të kufizuara, ndaj nuk ka bazë të mjaftueshme për ta konsideruar këtë pije një zgjidhje të veçantë për probleme të caktuara.
Bamja po, “mrekulli” jo
@itssummerpark My mom is 63 — and this is how she looks so young for her age. Her secret? She calls it Eating skincare ?? We’re back with another episode of our Eating Skincare series, and today it’s her go-to morning water. Just 1 ingredient, and it’s become part of her daily routine. You only need ? Okra Rich in vitamin C and antioxidants. The natural gel in okra helps keep you hydrated throughout the day. ? A glass of water The simplest base for one of the most powerful morning habits ??How to make it: Slice your okra into small pieces. Add to a glass of water. Let it sit in the fridge overnight. Drink it fresh every morning. ? Why we love it Okra is packed with nutrients — vitamin C, antioxidants, and a natural gel that makes the water silky and hydrating. When you stay hydrated from the inside, it shows on your skin. It’s a simple, whole-food way to nourish your body. Your skin reflects what you put into it. The result? A simple morning ritual that feels good and tastes fresh? True beauty really does start in the kitchen. Hope it helps! Glow with summer ??
? original sound - Summer Park - itssummerpark
Bamja është ushqyese dhe mund të jetë pjesë e një diete të ekuilibruar, ndërsa uji i saj mund të konsumohet nëse dikush dëshiron ta provojë këtë trend. Por nuk ka arsye që ai të trajtohet si një sekret “mrekullie” apo si një pije që mund të zëvendësojë një ushqyerje të shëndetshme.
Si me shumë trende që bëhen virale në TikTok dhe Instagram, popullariteti i ujit të bamjes është relativisht i ri, ndërsa vetitë ushqyese të vetë saj janë të njohura prej kohësh. Pra, nëse ju pëlqen, mund ta provoni, por pa pritur rezultate magjike vetëm nga një gotë ujë me bamje.
