Nuk do të më dëgjoni kurrë të flas keq për këpucët me taka të zeza, pasi si të gjitha ju, edhe unë i preferoj shumë. Të zezat janë klasike, të lehta për t’u kombinuar dhe funksionale në çdo rast. Por kjo nuk do të thotë se duhet të mbeteni vetëm te to.
Ka edhe ngjyra të tjera shumë më interesante që ia vlen t’i provoni dhe këtë verë në Francë, duket se të gjithë janë dakord për një alternativë që po shkëlqen sidomos me fustane të bardha: e kuqja e errët/vishnje, ose siç njihet ndryshe, burgundy.
Nëse doni prova, mjafton të shihni disa nga veshjet më elegante në sfilatën Jacquemus në Pallatin e Versajës gjatë Javës së Modës në Paris. Si Laura Harrier, ashtu edhe Alexandra Saint Mleux, kombinuan fustanet e bardha me taka burgundy, një zgjedhje e papritur, por tejet elegante që rikthen stilin francez në një nivel tjetër.
Ndryshe nga kombinimi klasik bardh-e-zi, që ndonjëherë mund të duket tejet i zakonshëm, burgundy ofron një kontrast më të butë dhe më natyral, duke e bërë fustanin e bardhë edhe më të sofistikuar. Veshja juaj do të duket edhe më bukur nëse çanta juaj është po ashtu në të njëjtën ngjyrë.
