Ndoshta i përkisni njërës prej këtyre shenjave të horoskopit, të cilat kanë prirjen të kërkojnë falje më shpesh sesa është e nevojshme.
Sigurisht, të marrësh përgjegjësi është një cilësi e admirueshme, veçanërisht kur vjen nga mirësjellja dhe ndjeshmëria. Por kjo nuk do të thotë se duhet të mbajmë mbi supe barrën e gabimeve të të tjerëve, apo të fajësojmë veten për çdo situatë të pakëndshme. Dhe mbi të gjitha,nuk kemi pse ta ndëshkojmë veten me ndjenjën e vazhdueshme të fajit.
Gaforrja
E udhëhequr nga Hëna, Gaforrja është ndër shenjat më të ndjeshme të zodiakut, në kontakt të thellë me emocionet e veta, por edhe me ato të të tjerëve. Kjo e bën shumë të kujdesshme dhe të ndjeshme ndaj çdo situate, ndonjëherë deri në një masë të pashëndetshme.
Një Gaforre mund t’i kërkojë falje qenit që nuk e ushqeu për pesë minuta, ose arkëtarit në supermarket sepse karta e bankës nuk funksionoi menjëherë. Në përpjekje për të ruajtur paqen dhe për të mos lënduar askënd, ajo mund të arrijë deri aty sa të kërkojë falje për diçka që ka ndodhur para dhjetë vitesh, thjesht sepse mendon se mund ta ketë lënduar dikë pa dashje.
Peshorja
Tek Peshorja, fjala “më fal” del aq natyrshëm sa frymëmarrja. Në përpjekje për të ruajtur harmoninë dhe për të shmangur çdo tension, ajo ndonjëherë e tepron me kompromisin, madje edhe kur nuk është faji i saj.
Nëse ndonjëherë ju ka ndodhur që dikush t’ju përplasë në rrugë dhe ju t’i kërkoni ju falje, ka shumë gjasa që të jeni Peshore.
Peshqit
Të udhëhequr nga Neptuni, planeti i ëndrrave dhe ndjeshmërisë, Peshqit janë mjeshtra të empatisë. Por ndonjëherë kjo ndjeshmëri i bën të marrin përsipër përgjegjësi që nuk u takojnë.
Reagimi i tyre i parë, kur ndiejnë se diçka nuk shkon, është të mendojnë: “Ndoshta ishte faji im.” Edhe kur nuk është aspak ashtu, ata do të kërkojnë falje, për çdo rast. Mund të thonë “më vjen keq që të shqetësova” edhe kur thjesht kanë dërguar një mesazh urgjent në orën 20:00.
