Tendencat më të fundit në bizhuteri këtë verë janë të frymëzuara nga deti, në përputhje me tendencat e tjera të modës këtë sezon.
Sipas pasarelave të modës, këtë verë kryesojnë bizhuteritë me humë guaska, perla dhe rruaza të trasha. Por jo vetëm aq: byzylykët për kyçin e këmbës po rikthehen fuqishëm, duke sjellë më shumë stil dhe origjinalitet në stilin e verës.
Më poshtë, gjeni trendet popullore të bizhuterive për verën 2025, së bashku me sugjerime si t’i kombinoni ato.
1. Bizhuteri me motive detare
Chloé, Zimmermann, Dries Van Noten, humë nga markat tona të preferuara kanë prezantuar aksesorë me frymëzim nga oqeani për këtë verë, dhe ne jemi të fiksuar pas tyre. Elementët përfshijnë guaska, diell, peshq dhe çdo simbol tjetër që të çon mendjen te plazhi.
Qoftë një palë vathë elegantë, një byzylyk i apo një varëse që përshtatet me rrobat e banjës, këto aksesorë do bëjnë veshjet tuaja të duken perfekte.
Kombinojini me një fustan të zi të thjeshtë për darkë ose një këmishë të lirshme dhe pantallona të shkurtra për pushime.
2. Byzylykët për kyçin e këmbës
Edhe pse dominuan në vitet ’90 dhe fillimin e viteve 2000, këto bizhuteri duket se e humbën popullaritetin.
Por, këtë vit janë rikthyer më në mode se kurrë. Gigi Hadid i kombinoi me shapka, ndaj mund të bëni të njëjtën zgjedhje. Zgjidhni një byzylyk të thjeshtë, ose me perla, simbole apo gurë të vegjël dekorativë.
Këshillë: provoji me shapka havaianas në stilin vintage, pasi po rikthehen në modë fuqishëm këtë vit!
3. Perlat barok
Perlat po rikthehen në modë, por me një ndryshim. Tani në qendër të vëmendjes janë perlat barok, të mëdha dhe me forma të çrregullta që s’kanë asnjë ngjashmëri me perlat klasike. Pas suksesit në sfilatën e Bottega Veneta, ato janë parë gjithkund.
Janë unike dhe jashtëzakonisht elegante, veçanërisht kur i kombinoni me veshje bazike si bluzë e bardhë dhe xhinse.
4. Kombinimi i arit dhe argjendit
Tradicionalisht, këshillohej të zgjidhje mes arit ose argjendit. Por këtë verë, vajzat me më shumë stil po thyejnë rregullat dhe duket shumë më argëtuese kështu.
Ndihuni të lira të eksperimentoni: mund të shtoni unaza argjendi me një fustan të bardhë, ose një zinxhir të hollë ari mbi një bluzë të thjeshtë.
5. Bizhuteri “chunky” me ndikim bohemian
Stili boho dhe bizhuteritë që bien në sy po rikthehen në modë, por kur bashkohen, krijojnë një efekt të paharrueshëm. Në sfilatën e Ralph Lauren, ky kombinim ishte mahnitës. Varëset me rruaza të mëdha shumëngjyrëshe i japin gjallëri veshjeve të thjeshta.
Byzylykët janë gjithashtu një zgjedhje perfekte për të theksuar një fustan veror. Dhe po, mos kini frikë t’i kombinoni të gjitha së bashku, ky është sezoni i stilit "më shumë është më mirë".
