Ne e dimë shumë mirë se çdo vit i ri, nis me shpresa të reja, rezoluta që harrohen nga java e fundit e janarit dhe premtime të tipit “këtë vit seriozisht do bëhem njeri më i mirë.” (E kemi thënë edhe në vitin 2022, 2023, 2024…) Por a do të jetë vërtet 2026 “viti yt”?
“Këtë vit dua qetësi”
Nëse e ke filluar vitin duke blerë një kalendar minimalist, një bllok shënimesh, një difuzor aromash, ka gjasa që 2026 të të sjellë qetësinë që kërkon. Deri në momentin kur fillojnë grupet e WhatsApp-it me “bëheni për party?”. Këshillë: Mëso të thuash "jo", ndonjëherë edhe pa u justifikuar. Por nëse zemra jote ende rreh për evente me DJ live, nuk ka problem sepse qetësia s’është gjithmonjë një manastir në Indonezi.
“Do ndryshoj zakonet!”
Ndoshta është viti ku nuk do të hash më drekën para kompjuterit. Apo ku do të lësh duhanin. Ose ndoshta, do të bësh një zgjedhje më të mirë dhe më pak të dëmshme, si kalimi në një alternativë pa tym si IQOS. Sepse ndryshimi i zakoneve të vogla ndonjëherë është më i besueshëm se premtimi “do të ndryshoj gjithë jetën time”. Ti do ndryshosh, patjetër, por hap pas hapi.
“Do përqendrohem te karriera”
Rezolatat për "qëllime të mëdha profesionale" janë shumë IN. Deri në momentin kur hap garderobën dhe vendos që vetëm sot do punosh nga shtëpia, me pizhame, për herë të tretë këtë javë. E di çfarë? Edhe kjo është rritje. Sepse ke kuptuar që ambicia s’do të thotë gjithmonë taka, por ndonjëherë do të thotë “nuk kam më kohë për drama në zyrë”.
“Do kujdesem më shumë për veten”
Vetëkujdesi është fjala kyç për çdo postim me qirinj, banjë me shkumë dhe detoks. Por realisht, vetëkujdesi ndonjëherë është të shkosh më herët në shtrat. Të mos i kthesh mesazhet menjëherë. Të heqësh dorë nga situatat që s’të përshtaten më. Apo edhe të ndryshosh zakonet që të dëmtojnë. Ti e di më mirë çfarë të bën mirë, thjesht mos e shty për në mars.
“Do të besoj më shume te vetja” (dhe më pak te horoskopi)
Astrologjia do vazhdojë të të premtojë dashuri pasionante në prill dhe ngritje në detyrë në gusht. Ti do e lexosh horoskopin e Susan Miller në Anabel çdo muaj. Dhe shumë mirë do bësh. Po ashtu, është po aq në rregull nëse ndryshimi yt i vetëm për 2026-n është të flasësh më butë me veten. Mjafton.
Përmbledhje (ose si ta justifikosh që nuk bëre asnjë ndryshim)
Nëse nuk bëre ndonjë ndryshim drastik në janar, s’ka problem. Mbase nuk je në sezonin tënd të transformimit, por në atë të reflektimit. Ndoshta 2026-a nuk do të jetë viti ku do të heqësh dorë nga të gjitha veset. Por ndoshta është viti kur do t’i kuptosh më mirë.
- Artikull promocional
