Për të tretin vit radhazi, sportistët e Special Olympics Albania, me mbështetjen e Coca-Cola, përfaqësuan Shqipërinë në Lojërat Dimërore V4 Winter Games Emil Open në Çeki, duke demonstruar fuqinë e sportit si një mjet për gjithëpërfshirje, diversitet dhe bashkëpunim.
V4 Winter Games Emil Open përfaqësojnë një event sportiv dhe social me dimension ndërkombëtar, i cili synon promovimin e barazisë dhe përfshirjes së të rinjve me aftësi ndryshe përmes sportit. Këto lojëra mbledhin sportistë nga Çekia, Sllovakia, Polonia, Hungaria, si dhe nga vendet e Ballkanit Perëndimor, duke u kthyer në një pikë takimi ku të rinjtë nga e gjithë Evropa garojnë, mësojnë dhe ndërtojnë miqësi.
Shqipëria u përfaqësua nga 7 atletë në 4 disiplina dimërore, duke fituar gjithsej 8 medalje: 3 ari, 1 argjendi dhe 4 bronzi.
Falë mbështetjes së Coca-Cola, delegacioni shqiptar i Special Olympics përfaqësoi me krenari sportin gjithëpërfshirës, duke dhënë një mesazh të fuqishëm për diversitetin, vullnetin dhe bashkëpunimin përmes sportit.
Coca-Cola mbështet programet dhe aktivitetet e Special Olympics Albania përmes donacioneve financiare, vullnetarizmit dhe nismave për rritjen e ndërgjegjësimit, dhe është krenare që këtë angazhim global e realizon edhe në Shqipëri.
