Egla Harxhi u bë nënë e një djali të quajtur Luxifer, për herë të parë në janar të këtij viti. Ish-Miss Shqipëria është komentuar gjatë për lidhjen  me 2 partnerë, Ale de Baseville dhe Alesian, për të cilën dikur u shpreh se do të jetë nëna e 2-të e djalit të saj.

Por duket se gjërat kanë ndryshuar. Për herë të parë pas lindjes, ajo tregoi për Thumb si po  i shkon jeta tani që është bërë nënë.

“Pas lindjes së tij gjërat kanë ndryshuar shumë. Është e vështirë ta shpreh atë që ndjej. Më duket sikur brenda zemrës sime ishte një pjesë që unë nuk e dija që ekzistonte. Nuk e përshkruaj dot. Para çdo vendimi tani mendoj vetëm për të, për të ardhmen e tij.”- tregoi ajo.

Misioni i saj dhe partnerit ishte shndërrimi i fshatit të Libofshës në një principatë dhe duket se do t’i shkojnë deri në fund qëllimit të tyre. Përsa i përket marrëdhënies personale, duket se bashkëjetesa 3-she është prishur. Prej kohësh qarkullojnë zëra se Alesia nuk është më pjesë e lidhjes që bëri jo pak bujë për kohë me radhë.

“Nuk do të doja të ndalesha shumë tek kjo. Detajet na përkasin vetëm neve. Fatkeqësisht njerëzit ndryshojnë dhe gjërat nuk ndodhën ashtu siç i kishim menduar. Nuk i ke në dorë.”- u shpreh ajo duke pohuar kështu që tani po jeton marrëdhënie normale në çift.

Por gjithsesi Egla nuk përjashtoi mundësinë e përfshirjes në një tjetër lidhje si ajo, vetëm se për momentin, jeta personale nuk ka aq shumë rëndësi sa prioriteti kryesor që është Luxifer-i.