Këtë javë, e ftuar në “Pop Culture” do të jetë moderatorja Aulona Musta. Në videon promo të emisionit janë përmbledhur disa fragmente nga intervista e saj me Kelvi Kadillin, ku Musta dëgjohet të shprehet:

“Realisht në televizion, nëse je dashnorja e një pronari, apo politikani apo deputeti e ke shumë më kollaj t’i marrësh gjërat, edhe kur nuk ke asnjë lloj merite.”

Kjo nuk është hera e parë që Aulona flet rreth kësaj teme. Në shkurt, në intervistën “90 sekonda me Eraldon”, pasi u pyet rreth vajzave të ekranit dhe punësimit me meritë, moderatorja me bindje të plotë tha se pjesa më e madhe e tyre nuk janë aty falë punës, por prej favoreve seksuale që kryejnë ndaj eprorëve.

“Për fat të keq sot dhe këtë e them me bindje, pjesa më e madhe e atyre që janë në ekran, nuk janë në bazë të meritës, por janë sepse kanë aftësi të tjera, jashtë ekranit, te zyrat e shefave, aftësi gojore, por jo në ekran se në ekran belbëzojnë zakonisht.”