Këshillat Studentorë, përmes një deklarate të bërë publike sot, kanë konfirmuar se protesta studentore do të pezullohet përkohësisht.

Ata e panë të arsyeshme që studentët e rretheve të  ktheheshin pranë familjeve për të festuar festat e fundvitit. Kësisoj, protesta do të pezullohet, por vetëm për pak ditë.

Siç mund ta lexoni, pritet që të rinisë në janar.

“Festa të mbara dhe të begata për të gjithë shqiptarët, sidomos për studentët dhe familjet e tyre të cilët i ngjallën shpresën dhe shtuan guximin për ndryshim të një shoqërie në agoni.”

Ndërkohë para pak çastesh, janë lëshuar para Kryeministrisë 9 fenerë si simbol i kërkesave të studentëve, përfshirë këtu edhe çëshjen e arsimit të personave me nevoja të veçanta.