Në kuadër të fushatës 16-ditore të aktivizmit kundër dhunës me bazë gjinore, Anabel Entertainment dhe Nilor Film, në bashkëpunim me UN Women, kanë sjellë mini-serialin me 3 pjesë, "Dashuria nuk vret".

Historia pas serialit tregon se pse shumë gra e vajza dashurohen me partnerë të dhunshëm dhe pse shkëputja prej tyre është kaq e vështirë.

"Dashuria nuk vret" u krijua nga producentja dhe skenaristja, Dalina Buzi me regji të Redi Trenit dhe interpretues të mini-serive janë Ketjona Pecnikaj, Amri Hasanlliu, Dalina Buzi dhe Megli Haskaj.

Seria e parë u publikua ditën e sotme, 14 dhjetor në kanalin e YouTube, Anabel Entertainment:

Episodi 1 është pritur mirë, ku nisur nga komentet në Youtube dhe në inbox-in e Anabel Media në Instagram, ndjekësit vlerësojnë mënyrën e prezantimit të një problemi të tillë, siç është dhuna me bazë gjinore.