Disa japin vetëm shkëlqim, disa janë me ngjyrë, ndërsa disa “shkrihen” duke i bërë buzët tona më të buta. E vetmja gjë e sigurt është se balsamët/zbutësit me pigment ofrojnë të gjithë hidratimin e duhur, duke dhënë gjithashtu një ngjyrë të këndshme dhe pamje të bukur buzëve.

Sigurisht, ka raste kur zgjedhim një buzëkuq të theksuar, mat, por në shumicën e rasteve preferojmë një balsam me pak ngjyrë dhe një shkëlqim të lehtë. Sidomos kur buzët janë të thata dhe na pengojnë të përdorim buzëkuq, na vijnë në ndihmë balsamët e buzëve me ngjyra, duke na hidratuar, por edhe duke dhënë një efekt natyral të ngjyrës.

Formulat tani në treg kanë evoluar shumë vitet e fundit, si rezultat i të cilave ato përmbajnë përbërës të tillë si peptide dhe gjalpë shea që ushqejnë thellësisht buzët, ndërsa në të njëjtën kohë janë të disponueshme në një larmi të madhe nuancash që i përshtaten çdo ngjyre të mundshme të lëkurës.

Aplikohen lehtësisht, pa kërkuar definimin perfekt dhe kombinohet mjaft mirë me lapsin e buzëve, duke lënë një ndjesi të mirë, si dhe ngjyrë të butë që zbehet në mënyrë të barabartë gjatë ditës. Kur duam një rezultat akoma më të shndritshëm, zgjedhim një lip oil/vaj - një kategori po aq e preferuar në grim - me ngjyrë intensive.

Ndaj, këtë sezon nuk duhet të mungojë në çantën tuaj një balsam për buzët, sidomos në ditët e nxehta, ku buzët kanë tendencën të thahen shpejt. Ky produkt ofron zgjedhjen ideale: kombinimi mes efikasitetit dhe bukurisë.

Burimi: Marie Claire