Jennifer Lopez ka një repertor të ri këngësh që po i performon gjatë turneut të saj dhe të paktën disa prej tyre duket se flasin për Ben Affleck, veçanërisht “Wreckage of You”, i cili duket se është një ‘diss’ në të cilën J.Lo shprehet se ‘po shkëlqen më shumë’ që pas divorcit.
Por, si ndihet Ben për faktin që është bërë frymëzim për muzikën e J.Lo-s? Sipas The Daily Mail, ai mendon se ajo po sillet “si fëmijë.”
“Nëse kjo këngë apo të tjera e sulmojnë, çfarë mund të bëjë ai? Është fëmjëinore dhe jo diçka që ai dëshiron ta marrë seriozisht,” thotë një burim për The Daily Mail.
“Është diçka që s’mund ta kontrollojë, ndaj nuk do lejojë ta lëndojë dhe sigurisht që nuk do i japë vëmendje duke reaguar”, shtoi personi anonim.
View this post on Instagram
Megjithatë, Ben nuk është i habitur që J.Lo ka shkruar këngë të frymëzuara nga divorci i tyre.
“E njeh prej shumë kohësh dhe është bërë subjekt në shumë prej këngëve të saj më parë, ndaj është mëse i vetëdijshëm që kjo do ndodhte,” thotë burimi. “E kupton që kjo është diçka që ajo duhet ta bëjë për veten dhe për artin e saj.”
Nga ana tjetër, Jennifer po vijon e pashqetësuar koncertet e saj.
Dyshja i dha fund martesës, pas shumë spekulimeve dhe zhurme online. Martesa e tyre zgjati më pak se 2 vjet dhe ajo kërkoi divorcin në 20 gusht, pikërisht në përvjetorin e dytë të martesës.
Një burim për Page Six tha asokohe se: “Të gjithë janë gati për të ecur përpara, pavarësisht vendimit për divorc. Një kapitull i ri është hapur në jetën e Ben dhe J.Lo, por edhe në atë të fëmijëve të tyre dhe të gjithë janë gati për ta nisur këtë faqe".
