Jennifer Lopez nuk ka ndër mend ta veshë fustanin e bardhë sërish. Të paktën, jo së shpejti.
Gjatë koncertit të saj në Bilbao, Spanjë, pjesë e turneut të saj “Up All Night”, që shënon rikthimin në skenë pas gjashtë vitesh pushim, dikush në publik mbante një pankartë ku shkruhej “J.Lo, martohu me mua?”
Përgjigjja e saj ishte po aq e drejtpërdrejtë dhe autoironike:
“Mendoj se kam mbaruar punë me këtë pjesë. E kam provuar disa herë.”
Ouch!
Lopez, e cila është divorcuar së fundmi nga Ben Affleck në janar të këtij viti, ka pasur një histori dashurie që ka kaluar nëpër altar më shumë se një herë. Që nga Ojani Noa në fund të viteve ’90, te Cris Judd, Marc Anthony (babai i binjakëve të saj Emme dhe Max), e deri te romanca që riktheu nostalgjinë me Ben Affleck, ajo e ka provuar (dhe riprovuar) idenë e martesës.
Por mesa duket, J.Lo tani ka zgjedhur t’i përkushtohet skenës, fansave dhe siç po dëshmohet në çdo paraqitje të saj në Europë, vetes.
Turneu i saj do të vazhdojë deri në mujin gusht, me ndalesën e fundit në Itali. Sa për unazat? Ato ndoshta do t’i lërë për performancat skenike.
