Jennifer Lopez e di si festohet një ditëlindje siç duhet, me shkëlqim, zhurmë dhe shuuumë luks. Diva e pop-it mbushi 56 vjeç (e dimë, e pabesueshme) dhe organizoi një super festë në Turqi, në një resort luksoz, ku kishte gjithçka: tortë me tre kate, shampanjë në ajër dhe vetë J.Lo në një fustan argjendi që shkëlqente më shumë se fishekzjarrët në sfond.
Jennifer këndoi këngën e saj të re “Birthday”, përpara tortës gjigante, me emrin "JLO" në krye dhe fishekzjarre nga të gjitha anët.
“Name on top of the cake, it’s my birthday / I’ma make this famous ass shake,” këndoi ajo dhe e mbajti premtimin.
Në videon që ajo postoi në Instagram, shiheshin shishe shampanje në ajër, Jennifer e zhytur në energji festive, që bënte twerk dhe luante me flokët si një superstar i lindur (sepse, spoiler: ajo është një e tillë).
Por kjo është vetëm një ndalesë në një verë plot ritëm për jennifer-in. Pas performancës në Turqi, ajo u nis për në Poloni ku do të performojë këngët e albumit të saj të fundit, në turneun "Up All Night".
Kujtojmë që ky është turneu i saj i parë pas 6 vitesh, pas anulimit të “This Is Me... Live” në maj 2024, një vendim që ajo e quajti “të dhimbshëm, por të nevojshëm” për t’u fokusuar te fëmijët dhe vetja.
Në një intervistë për Interview Magazine ajo rrëfeu:
“Ishte ndoshta periudha më e vështirë e jetës sime, por gjithashtu më e mira. E bëra punën që duhej bërë me veten.”
Dhe vërtet, J.Lo ka punuar mirë me veten. Sepse në moshën 56 vjeç, s'duket më shumë se 36.
