Sa herë që mendojmë se nuk na duhen më një palë xhinse të shkurtra, vjen Natalie Portman dhe na provon të kundërtën. Aktorja është parë në New York me një veshje super të thjeshtë, por që duket sikur thotë “E di që dukem cool, pa e vrarë mendjen fare.”
Natalie zgjodhi një T-shirt të zezë klasike, pantallona të shkurtra xhins të prera vetë dhe atlete sportive të zeza. Me një çantë Dior me detaje pom-pom dhe syze të mëdha me skelet "tortoise", ajo na tregoi sesi edhe një kombinim i thjeshtë mund të duket luks nëse di të luash me aksesorët.
Dhe tani... do doni të merrni gërshërët
Në këtë vapë të verës, vetëm ideja për të ecur deri në stacionin e autobusit me pantallona të gjata të bën të djersish. Kështu që, pse të mos bëjmë si Natalie dhe J.Lo (po, ajo i vesh non-stop!) dhe t’u japim xhinseve tona një jetë të re si xhinse të shkurtra?
Nëse nuk je gati të sakrifikosh ndonjë palë nga xhinset e tua të preferuara, s’ka problem – ka plot marka që ofrojnë të njëjtat modele si xhinset që pret vetë në shtëpi.
Si t’i veshësh siç duhet?
E dimë çfarë po mendon “A mos duken keq për një xhiro në qytet?”. Vetëm nëse i kombinon gabim! Provo t’i veshësh me një bluzë boho, një këmishë oversize ose edhe një top të thjeshtë të ngushtë, si EmRata ose J.Lo. Shto edhe një palë mocasino ose sandale elegante dhe papritur, je ajo vajza që duket sikur ka bërë zero përpjekje, por është gjithmonë super stil.
