Mënyra më e mirë për të përshkruar çfarëdo që kanë Adrola Dushi dhe Capital T me njëri-tjetrin pa hyrë në hak me askënd, arsyetojmë që është kjo:
Megjithatë, qeshuni lexues të Anabel! Dyshja që na kanë dhënë gjithë shenjat që janë çift, por s'e kanë konfirmuar kurrë lajmin, janë fotografuar për herë të parë së bashku nga VipMagazine:
Në foto duken Capital T, mamaja e tij, Adrola dhe Troi, djali i saj, teksa darkojnë në një restorant.
Adrola Dushi dhe Capital T u përfolën për një romancë për herë të parë në vitin 2020, kur ky i fundit postoi një foto të tyre së bashku. Megjithatë, më pas u përhap lajmi se ata ishin miq të mirë dhe fotoja u hodh qëllimisht për të trazuar pak ujërat.
Duke lëvizur drejt vitit 2022, Adrola iu përgjigj pyetjes së mundimshme "a je në një lidhje me Capital T?" shumë qartë: JO! Modelja sqaroi se ishte beqare dhe shumë e lumtur.
Iu deshën edhe dy vite që ajo të na tregonte se ishte e dashuruar me burrin më të bukur shqiptar, por sërish nuk morëm dot një emër. Ndërkohë, mbështetjet e Adrolës gjatë koncerteve të Capital T, komentet e herëpashershme në fotot e njëri-tjetrit, dhe fotot e pushimeve nga vende të njëjta, na e jepnin të drejtën për të dyshuar se ky burri më i bukur ishte pikërisht Capital T.
Por kjo s'u konfirmua kurrë zyrtarisht, as në këtë moment që lexoni këtë artikull. Megjithatë, mbase po shkojmë drejt asaj dite. Fotoja e fundit vërteton se dyshja janë shumë të afërt me njëri-tjetrin.
