Manikyri minimalist është kthyer në standardin e bukurisë në ditët e sotme. Dhe nëse ka një yll që mishëron me përpikëri elegancën "më pak është më shumë", ajo është Dakota Johnson. Qoftë në një turne promovues filmi apo në udhëtime luksoze drejt Milanos, qasja e saj ndaj bukurisë është gjithmonë e lehtë, e natyrshme, por kurrë e mërzitshme dhe manikyri i saj i fundit nuk bën përjashtim.
Në Festivalin e 59-të të Filmit në Karlovy Vary, Johnson u shfaq me një fustan të zi të personalizuar nga Gucci dhe prezantoi atë që tashmë po quhet "Glass French Manicure", një version më i lehtë dhe më i ndritshëm i manikyrit klasik francez. Krijuar nga artistja e saj e preferuar e thonjve, Mo Qin, ky stil përfshin një bazë në nuancë rozë të lehtë dhe një vijë të bardhë, thuajse të padukshme, që duket si e spërkatur me aerograf për një përfundim perfekt. Është një pamje e pastër dhe minimale, por njëkohësisht mbresëlënëse në thjeshtësinë e saj.
Çfarë është “Glass French Manicure”?
Nëse manikyri klasik francez ju duket paksa i mërzitshëm, versioni "glass" është nje version më i këndshëm i tij.
Në vend të vijës së bardhë klasike, ky stil përdor një kontur të tejdukshëm, thuajse të padukshëm, që shkrihet me thoin natyral. Kur kombinohet me një bazë në nuancë rozë të ngrohtë, krijon iluzionin e thonjve natyralisht perfektë.
