Reagimet ndaj episodit me Zana Paradise Gjergjin në "The Dalina Show", ku ajo zbuloi aftësi të jashtëzakonshme paranormale, kanë qenë të ndara: nga skeptikët e deri te kritikët më të ashpër që nuk e besojnë rrëfimin e saj. Komentet kanë përfshirë shpërfillje, ofendime dhe përjashtime, ndaj dhe Dalina publikoi një reagim në rrjetet e saj sociale.
Në një video të gjatë në Instagram, Dalina tha:
“Mirëmëngjes, ju falenderoj shumë për komentet e djeshme. E dija që do shkaktonte shumë zhurmë, pa dyshim. Ka shumë njerëz që kanë aftësi të veçanta, ka edhe në Shqipëri, por nuk preferojnë të dalin pikërisht sepse hezitojnë, kanë frikë nga një turpërim publik që shpeshherë mendojnë se mund t'u bëhet. Ka njerëz skeptikë, por Zana, që është shumë aktive, iu përgjigj edhe atyre në komente, nuk e ka problem këtë sepse ajo realisht ka investuar te kjo.”
Dalina theksoi se në vende të tjera, njerëzit me aftësi paranormale i kanë kthyer dhuntitë e tyre në shërbim të profesioneve dhe kjo gjë nuk është aspak e çuditshme:
“Unë e di shumë mirë që në Amerikë këto janë profesione. Njerëzit me aftësi të veçanta paranormale trajtohen seriozisht nga policia, qeveritë, kështu që s’ka absolutisht asgjë. Sigurisht njerëzit habiten, po më shumë se habiten, kanë interes.”
Për të shpjeguar pse reagimet janë kaq të forta, Dalina u shpreh:
“Njerëzit, për mendimin tim, janë po aq skeptikë derisa t’u thuhet diçka që vetëm ata e dinë. Në momentin që marrin një informacion që vetëm ata e dinë dhe s’ia kanë thënë askujt tjetër, atëherë ata humbin kontrollin, dorëzohen dhe ‘çarmatosen’.
Secili ka librat e vet, njëri thotë Zoti, po as ai nuk e ka parë Zotin; njëri thotë shpirti, njëri Satani. Në budallallëkun e tyre, njerëzit marrin përsipër të kenë autoritetin të flasin me bindje sikur ata dinë diçka. Por ne nuk dimë asgjë. Nëse dikush ndihet mirë nga një komunikim me botën e përtejme, ekziston apo jo, dhe mbaron dhe ndihet shumë mirë, pse jo mos të jetë?”
Dalina zbuloi gjithashtu diçka personale: Zana i dha asaj një mesazh të cilin vetëm familja e dinte, gjë që tregoi kontaktin e vërtetë me babanë e saj.
Shoku prej këtij episodi është normal dhe i pritshëm, ndaj kjo e seancë e parë ishte vetëm një prezantim me temën e paranormales. Dalina njoftoi se do të realizohet një seancë e dytë me Zana Paradise Gjergjin, për të diskutuar më thellë, gjithë pyetjet që na lindin në kokë rreth kësaj çështjeje.
Nëse s'e keni ndjekur intervistën, mund të klikoni në videon e mëposhtme:
