Dua Lipa riktheu një nga trendet më ikonike të viteve '90: fustanin transparent. Ylli i pop-it u shfaq në një festë, së bashku me të fejuarin, Callum Turner, familjen, miqtë dhe disa nga mikeshat e saj, përfshirë Charli XCX dhe Lily Allen.
View this post on Instagram
Me veshjen që përzgjodhi, Dua Lipa nderoi një nga dekadat më ikonike në modë, vitet '90, duke veshur një fustan të zi transparent Balenciaga nga koleksioni Resort 2026, të cilin e kombinoi dhe të brendshme të zeza.
Kombinimi u kompletua me një çantë dore të zezë, gjithashtu nga Balenciaga, dhe bizhuteri Bvlgari: unazën e saj të fejesës, një gjerdan, si dhe vathë dhe unaza.
Pamja e saj të kujtonte mjaft paraqitjen ikonike të Kate Moss në “Elite Model Agency Look of the Year” në vitin 1993, e cila e bëri atë të njohur si supermodele, një imazh që është regjistruar në kujtesën kolektive të modës dhe vazhdon të frymëzojë edhe sot e kësaj dite.
