Instagrami i Françeska Muratit ka qenë i mbushur me dedikime këto kohë dhe duket se i kushtohen vetëm një personi: ish-partnerit.
Jeta e Françeskës po shkon më së miri dhe ajo po sigurohet që të mos ngelet njeri pa e marrë vesh (aq më tepër ish-burri).
Gjatë një ask-u në Instagram një prej ndjekësve i vuri në dukje se një ndryshim kishte ndodhur në pamjen e saj, një tjetër shkëlqim, madje e pyeti se çfarë kishte ndryshuar në jetën e saj.
"Dashuria dhe vlerësimi i merituar të bëjnë të shkëlqesh," iu përgjigj Françeska.
Pak më vonë publikoi një postim ku shfaqte një buqetë të madhe me lule.
"Kur një derë mbyllet, një tjetër më e mirë hapet. Sot ndihem shumë e bekuar, sepse universi më ka sjellë gjithçka që kam dashur. Ju uroj të gjithëve një fillim muaji të bukur," shkruante Françeska.
View this post on Instagram
E po shkëlqimi, lulet, Shën Valentini në prag, të gjitha këto mendojmë se janë shenja të mjaftueshme për të kuptuar se ndoshta arsyeja e gjithë kësaj lumturie është një romancë e re.
Por, mos harrojmë ish-partnerin. Pak ditë më parë ajo publikoi një video në TikTok ku nuk e kurseu një kunjë ndaj tij.
"Nuk hakmerrem, sepse ai nuk do të gjejë më mirë se unë," shkruhej mbi video.
