Gjatë një eventi promovues në Londër për filmin e tij të ri, “Marty Supreme”, aktori u përball me disa pyetje të shpejta.
Fillimisht, gjithçka dukej e parrezikshme:
“A ke të dashur?”
“Po,” u përgjigj ai duke buzëqeshur.
Por pyetjet u bënë pak më serioze,
“A mendon se do të martohesh me të?”
Nëse po prisnit ndonjë "po" të menjëhershme, ky nuk është rasti. Pasi qeshi i vendosur në siklet tha se pyetja ishte shumë personale. Megjithatë, pasi ndali për pak, u përgjigj qartë:
“Po. Po.”
Pa premtime konkrete, pa data dhe pa plane, por mjaftueshëm sa për të ndezur internetin. Timothée Chalamet dhe Kylie Jenner janë një nga çiftet më të përfolura kohët e fundit.
Sipas Page Six, dyshja jeton bashkë në Los Angeles prej më shumë se një viti dhe, siç thotë burimi, “janë shumë të dashuruar”, aq sa “është sikur janë të martuar tashmë”.
Aktori është përfshirë edhe në jetën e fëmijëve të Kylie-t, Stormi dhe Aire, gjë që e bën këtë marrëdhënie dukshëm më serioze se sa thjesht një romancë Hollywood-i.
