Si një Ujor misterioz që është, Elvana i suprizoi gjithë fansat me një bashkëpunim goxha të paparashikueshëm!
Me një klip të shkurtër të shkëputur nga videoja e këngës, titullin "MOMENT" dhe një tag për Stanaj, Elvana njoftoi projektin e ri muzikor, që publikohet në ditën e saj të lindjes, më 3 shkurt.
View this post on Instagram
Të njëjtin postim bëri në profilin e tij të Instagramit dhe Stanaj, artisti që është bërë i njohur në Shqipëri kryesisht me këtë perlë:
Stanaj, emri i vërtetë i të cilit është Albert Stanaj është këngëtar dhe kompozitor shqiptaro-amerikan, i lindur në Shkodër dhe rritur në New York, SHBA. Ai njihet për baladat e tij që kombinojnë elemente pop dhe R&B modern. Përveç karrierës së tij solo, Stanaj ka kontribuar si tekstshkrues në projekte ndërkombëtare, duke përfshirë këngën e njohur “34+35” të Ariana Grande-s, ku ai ka ndihmuar në shkrimin e tekstit dhe kompozimin e saj.
Nga pjesa me të cilën dy artistët na ngacmuan në profilet e tyre, por dhe nga reputacioni i njohur i Stanajt për balada emocionale, bëjmë mirë të përgatitemi për një duet të ndjerë mes tij dhe Elvanës.
Njerëzit në komente e kanë komentuar pozitivisht bashkëpunimin dhe duken të emocionuar për publikimin e tij. Fatmirësisht, ditëlindja e Elvanës është shumë pranë dhe s'do na duhet të presim gjatë!
