Një person me inteligjencë emocionale është shumë i aftë të lexojë të tjerët dhe duhet të dijë se çfarë duhet dhe çfarë nuk duhet të zbulojë për veten në punë.

Ja disa gjëra që nuk duhet t’i thoni kurrë në punë, nëse po kërkoni një promovim:

1. Që e urreni punën tuaj

Gjëja e fundit që dikush dëshiron të dëgjojë në punë është një person që ankohet për sa e urren punën e vet. Kjo ju etiketon si një person negativ, që nuk është pjesë e ekipit. Gjithashtu dëmton moralin e grupit.

2. Që mendoni se një koleg është i paaftë

Do të ketë gjithmonë njerëz të paaftë në çdo vend pune dhe ka mundësi që të gjithë ta dinë këtë. Nëse nuk keni fuqinë për t'i ndihmuar ata të përmirësohen, nuk keni asnjë fitim. “Shpallja” e paaftësisë së një kolegu mund të duket si një tentativë e pasigurt për të bërë që ju të dukeni më mirë.

3. Që jeni duke kërkuar punë tjetër

Kur e tregoni që jeni në kërkim të një pune tjetër, bëheni një humbje kohe për të tjerët. Po ashtu, ka mundësi që kërkimi juaj të mos jetë i suksesshëm, kështu që është më mirë të prisni derisa të keni gjetur një punë para se të tregoni ndonjë gjë.

4. Që dëshironi një rritje në detyrë!

Shpallja e ambicieve tuaja kur ato janë në kundërshtim të drejtpërdrejtë me interesat e të tjerëve do të duket si një veprim egoist dhe indiferent ndaj kolegëve dhe kompanisë në përgjithësi. Shpallja e qëllimeve tuaja egoiste nuk do t’ju ndihmojë t’i arrini ato.

5. Se sa “të çmendur” ishit në të kaluarën

E kaluara juaj mund të thotë shumë për ju. Thjesht sepse keni bërë diçka të çuditshme 20 vjet më parë, nuk do të thotë që njerëzit do të besojnë se keni zhvilluar një gjykim të përsosur që atëherë.

6. Sa shpesh deheni

Mund të mendoni se duke ndarë sa shumë keni pirë gjatë fundjavës, nuk do të ketë asnjë ndikim në perceptimin që kanë të tjerët për ju. Fatkeqësisht, jo. Të flisni për alkoolin ose përdorimin e drogërave do t’ju bëjë të dukeni të papërgjegjshëm dhe të paqëndrueshëm.

7. Një shaka ofenduese

Nëse ka diçka që mund të mësojmë nga personalitetet publike, është të jemi të kujdesshëm për atë që themi dhe me kë e themi. Shakatë ofenduese bëjnë që të tjerët të ndihen të tmerruar dhe gjithashtu bëjnë që ju të dukeni keq.

Artikuj të sugjeruar:

^{Burimi: Your Tango}