Dimri po afron dhe për të gjitha ato që mezi presin “sezonin e xhupeve të fryrë”, lajmi është ky: asgjë nuk të ngroh më shumë, por këtë vit nuk mjafton vetëm ngrohtësia, rëndësi ka si e vesh xhupin. Dhe askush nuk e demonstron më bukur se Elsa Hosk.
Modelja suedeze sapo tregoi mënyrën më të bukur për të stiluar xhupin e fryrë për dimrin 2025 dhe nuk përfshin as streçe, as atlete (dy elementët klasikë të këtij stili).
Në profilin e saj në rrjetet sociale, Elsa është gjithmonë një burim frymëzimi për veshje, dhe duket se ka nisur zyrtarisht periudhën e kombinimeve të dimrit. Një nga veshjet që mori më shumë vëmendje përfshinte një xhup të fryrë ngjyrë jeshile ulliri nga Polo Ralph Lauren, një shall me kuadrate dhe pantallona kadifeje ngjyrë çokollatë, një kombinim që është njëkohësisht klasik dhe modern.
Ajo dukej sikur mund të ishte me pushime në fshat, por po aq e përshtatshme do të ishte edhe për një shëtitje në rrugët e ftohta të qytetit.
Nëse planifikon të veshësh një xhup të fryrë këtë dimër, mbaj shënim nga Elsa: zëvendëso streçet me pantallona strukturore, atletet me çizme, dhe shto një shall të madh me motive klasike.
Rezultati? Një pamje që është njëkohësisht e ngrohtë, e rafinuar dhe tipike për “vajzat që dinë çfarë bëjnë”.
