Horoskopi javor: Zbulo ç’do të ndodhë me shenjën tënde

First For Women

Marsi në Akrep lidhet me Jupiterin në Gaforre dhe Saturnin në prapavijë te Peshqit më 28 dhe 29 tetor, duke na shtyrë të veprojmë që të dëgjohemi dhe të vërehemi.
 
Mërkuri në Akrep bashkohet me Neptunin 29 tetor, duke na lejuar të arratisemi nga përditshmëria në një ëndërr me sy hapur. Më vonë gjatë ditës, Mërkuri kalon në Shigjetar dhe menjëherë përballet me Uranin në prapavijë te Binjakët, duke na nxitur të shprehemi me pasion dhe të luftojmë për dëshirat tona.
 
Më 30 tetor, Mërkuri harmonizohet me Plutonin në Ujor, duke sjellë dramë në bisedat në grup, ndaj kujdes, mos u përfshi në debate për planet e mbrëmjes së Halloween-it.
 
Dashi
 
Maska ka rënë! Të trazosh ujërat sepse je lënduar apo xheloz nuk është mënyra më e mirë për të përballuar emocionet. Me kohën, miqtë do ta kuptojnë qëllimin tënd të vërtetë, ndaj lojërat e manipulimit mund të funksionojnë për pak, por jo për shumë gjatë.
 
Demi
 
Para se të shkosh në rrugën e pendesës, dije që mund ta ndryshosh energjinë duke marrë përgjegjësi dhe kërkuar falje. Të jesh i sinqertë është mënyra më e mirë për të rregulluar marrëdhëniet e tensionuara. Kur të tjerët ta shohin që e ke seriozisht, do të duan të pajtohen me ty.
 
Binjakët
 
Nuk ka mënyrë të saktë apo të gabuar për të folur nga zemra, mjafton të jesh i sinqertë. Nëse partneri apo miku yt nuk e vlerëson këtë ndershmëri, ndoshta është më mirë të mos i kushtosh më vëmendje situatës. Më mirë një e vërtetë e ftohtë sesa një iluzion i ngrohtë.
 
Gaforrja
 
Të festosh me partnerin apo personin që pëlqen me kostume matchy-matchy ju afron më shumë. Por nëse e analizon çdo detaj me lupë, do të gjesh probleme që s’ekzistojnë. Mos e prish magjinë duke kërkuar drama nga mërzia.
 
Luani
 
Në fillim të javës do jesh në formë të shkëlqyer, por një ndryshim të enjten mund të të bëjë të shpërthesh. Mos i lejo të tjerët të të provokojnë apo të të marrin për të mirëqenë. Ti je Luan kujtoji të gjithëve pse quhesh mbret!
 
Virgjëresha
 
Një koleg po sillet në mënyrë të pandershme, duke marrë meritat për punën tënde. Edhe pse do të doje të përballeshe, mënyra më e mençur është t’i tregosh drejtuesit. Nëse duan lojëra, le të përballen me pasojat, me stilin tënd të saktë dhe diskret.
 
Peshorja
 
Je mikpritësi perfekt, derisa dikush bën rrëmujë dhe të thyen një objekt me vlerë. Po, ke vendosur rregulla, por aksidentet ndodhin. Përpiqu të gjesh një zgjidhje të drejtë që të mos dalësh i humbur dhe të kompensohesh për dëmin. Dhe kujdes kë fton në shtëpi!
 
Akrepi
 
E ke të vështirë të tërhiqesh kur ndihesh i provokuar, por këtë javë është më mirë të mos e ushqesh negativitetin e të tjerëve. Fokuso energjinë tënde te njerëzit dhe situatat që të sjellin paqe. Mos harro: mbro energjinë tënde, ajo është arma jote.
 
Shigjetari
 
Zakonisht nuk je i mirë në mbajtjen e sekreteve, por këtë herë sekreti ka të bëjë me ty. Mbajtja e tij nuk do të jetë e lehtë, ndaj ndoshta është më mirë t’u tregosh pak miqve për ta shuar kureshtjen, përpara se të fillojnë të hetojnë vetë.
 
Bricjapi
 
Ke fat që ke një grup miqsh të mrekullueshëm, por ndonjëherë nuk mund të mbështetesh te ta 24/7. Edhe pse je mjeshtër i kufijve personalë, këtë javë do ta kesh të vështirë të ruash balancën mes nevojave të tua dhe distancës që ke vendosur vetë.
 
Ujori
 
Kur fillon të flasësh me pasion për idetë e tua, e ke të vështirë të ndalesh. Është bukur që je kaq i përfshirë, por nuk ke pse t’u predikosh të gjithëve gjithë ditën. Përdor debatet dhe dialogun, jo gjykimet, për t’i afruar të tjerët me këndvështrimin tënd.
 
Peshqit
 
Në jetë duhet të ëndërrosh për të arritur dëshirat. Kjo është një nga ato javë ku duhet të synosh lart. Vizualizoje emrin tënd në derën e zyrës së ëndrrave. Mund të krijosh jetën që dëshiron, ndaj mos ki frikë të shkëlqesh.