Një javë e madhe po afrohet. Me nisjen e sezonit të Shigjetarit, është pothuajse e sigurt që do të ndiejmë atmosferën festive të pushimeve. Çfarë pritet këtë javë?
24 nëntor – sjell bukuri, art dhe dashuri në mendjet tona; moment i përkryer për t’i treguar dikujt se si ndiheni.
26 nëntor – një ditë tjetër e mrekullueshme, ku dëshira për lidhje të lumtura personale dhe profesionale do të jetë e fortë.
29 nëntor – mund të sjellë lajme befasuese ose ndryshime të papritura lidhur me një dëshirë zemre apo marrëdhënie personale.
Dashi
Prej muajsh, Dashi ka gjetur paqe dhe lumturi te familja dhe shtëpia. Mund të keni kaluar më shumë kohë me të dashurit, të keni bërë ndryshime në ambientin tuaj ose të keni ndier një lidhje më të thellë shpirtërore me rrënjët tuaja. Në muajt në vijim ritmi do të ngadalësohet, por pa shqetësime - thjesht do të jetë një periudhë për të shijuar stabilitetin.
Demi
Jeta juaj ka qenë në ritme të shpejta, me shumë lëvizje, komunikim dhe udhëtime. Keni zgjeruar rrethin shoqëror dhe mund të keni ndjekur projekte intelektuale apo kontrata të reja. Në muajt e ardhshëm, kjo energji do të bëhet më reflektuese - një moment i mirë për të vendosur drejtimin që dëshironi të merrni.
Binjakët
Muajt e fundit kanë qenë plot mundësi financiare. Çdo gjë që prekni, kthehet në ar. Megjithatë, ritmi i këtij fati financiar do të ngadalësohet pak. Përdoreni këtë periudhë për të planifikuar qëndrueshmëri afatgjatë dhe për të ndërtuar sigurinë ekonomike.
Gaforrja
Që nga sezoni i ditëlindjes, universi ju ka bekuar me mundësi të reja e fillime të freskëta. Por tani ritmi do të qetësohet për të reflektuar më thellë mbi qëllimet tuaja për vitet e ardhshme, sidomos për gjashtëmujorin e parë të vitit 2026.
Luani
Kohët e fundit keni qenë më introspektivë. Është koha për të shkuar në thellësi të shpirtit tuaj dhe për të kuptuar se kush jeni dhe ku doni të shkoni. Edhe nëse ndonjëherë ndiheni të humbur, besojini intuitës dhe ëndrrave tuaja - ato po ju udhëheqin drejt qëllimit të vërtetë.
Virgjëresha
Që nga vera, jeta juaj shoqërore ka lulëzuar. Shumë miq dhe mbështetës kanë qenë pranë jush, duke ju inkurajuar drejt arritjeve të mëdha. Në muajt e ardhshëm, ritmi do të qetësohet, një kohë për të reflektuar se çfarë ju sjell lumturi të vërtetë. Një mik ose ish-partner mund të rikthehet - nëse zemra ju thotë "po", jepini një mundësi.
Peshorja
Karriera dhe suksesi publik kanë qenë në fokus për ju. Mund të keni përjetuar ngritje profesionale ose keni kuptuar se duhet të ndryshoni drejtim. Muajt në vijim do të jenë për riformatim, për t’u siguruar që po ndiqni rrugën e duhur drejt suksesit afatgjatë.
Akrepi
Që nga qershori, jeta ju ka dhuruar aventura, njohje të reja dhe mësime shpirtërore. Tani është momenti të ktheni këtë energji brenda vetes për t’u lidhur me rrënjët, paraardhësit apo një komunitet shpirtëror që ju frymëzon.
Shigjetari
Në muajt e fundit, financat tuaja mund të kenë lulëzuar, ndoshta përmes investimeve apo përfitimeve të papritura. Tani është koha për maturi dhe mençuri - ruani çfarë keni fituar dhe planifikoni me kujdes për të ardhmen.
Bricjapi
Marrëdhëniet profesionale dhe personale kanë qenë të begata. Por tani, ky zhvillim do të ngadalësohet pak për të vlerësuar çfarë doni vërtet. Disa do të rishikojnë marrëdhënie të kaluara, ndoshta edhe me një person që rikthehet nga e shkuara.
Ujori
Që nga vera, jeta juaj ka qenë e mbushur me punë, përgjegjësi dhe përmirësime në shëndet. Tani është koha për të balancuar ritmin. Mos humbni shpresën - suksesi do të vijë, por në një ritëm që i përshtatet energjisë suaj.
Peshqit
Jeta juaj ka qenë e lulëzuar, plot dashuri, krijimtari dhe emocione. Tani ritmi do të qetësohet - jo për të ndalur magjinë, por për ta shijuar më shumë. Një dashuri e vjetër mund të rikthehet, dhe nëse ndieni se ia vlen, mos hezitoni ta provoni sërish.
