Grimi ka qenë gjithmonë gati për t’u ardhur në ndihmë njerëzve që të duken sikur janë zgjuar e plot energji. Korrektuesit që ndriçojnë rrathët e errët, teknika konturimi që fshehin fryrjen pas netëve të vona me gin dhe shots-a…pra, në thelb, çdo gjë që të bën të dukesh plot jetë, edhe kur ndoshta je duke vuajtur pasojat e një nate pa gjumë.
Por në TikTok, vajzat kanë vendosur që të shfaqen fiks sikur nuk i kanë bërë orët e plota të gjumit, duke e kthyer këtë mënyrë jetese në një trend të ri, të pagëzuar si “grimi i vajzës së lodhur”.
Praktikisht, “grimi i vajzës së lodhur” përmbys rregullat e bukurisë. Në vend që të lodhjen, e thekson atë. Mendoje si një version i përmirësuar i pamjes “grunge” të viteve ’90, me një prekje të frymëzuar nga Tim Burton. Nëse të kujton Helena Bonham Carter në pothuajse çdo rol të saj, je në rrugën e duhur.
Ajo që e bën këtë trend të veçantë është pikërisht rikthimi i gjërave që gjithmonë je mësuar t’i fshehësh: rrathët poshtë syve, lëkura e zbehtë dhe fytyrën pa energji. Në vend të ndriçimit ose bronzer-it, vajzat po përdorin eye shadoë kafe ose vishnje, për të thelluar rrathët poshtë syve, kontur gri për të theksuar mollëzat dhe produkte minimale për lëkurën, që krijojnë idenë se është “e lodhur”.
Si ta ndjekësh trendin?
Fillo me sytë
Në vend të korrektuesit klasik poshtë syve, përdor një buzëkuq në nuancë pjeshke ose rozë si bazë për rrathët. Mbi të, shto kombinime të toneve kafe, gri dhe vishnje për të krijuar rrathë të rreme poshtë syve. Fillon nga qepallat lart, pastaj zgjero pigmentin rreth cepit të brendshëm dhe poshtë vijës së poshtme të qerpikëve. Për rezultat më realist, përdor gishtat, por edhe një furçë të butë për ta përhapur. Sa më e çrregullt të duket, aq më pranë tendencës je.
Hapi tjetër
Për t’u dhënë syve atë “rënien” karakteristike prej të përgjumuri, fërko lapsin kaf përgjatë vijës së sipërme të qerpikëve. Efekti? Sytë duken sikur mezi po i mban hapur, gati për një gjumë të mirë.
Pjesa tjetër e fytyrës, sa më minimaliste
Siç thotë krijuesja @sharareh.khazani: “Nuk po përpiqesh të shkëlqesh; po përpiqesh të dukesh e lodhur”.
Mjafton një shtresë e lehtë fondatine dhe pak korrektor, plus një blush mbi mollëzat. Përdor një kontur me nuancë të ftohtë, mundësisht gri, për të krijuar ato hijet dhe përfundoje look-un me një shtresë rimeli dhe një zbutës buzësh transparent.
