Venecia do të jetë qyteti ku do të organizohet dasma e shumëpritur mes multimiliarderit Jeff Bezos dhe nuses së tij të ardhshme, Lauren Sanchez, por edhe një nga njerëzit më të pasur në botë mund të përballet më vështirësi për të hyrë në një zonë ku duket pamja më e mirë në qytet.

Festimet treditore do të zgjasin nga 24 deri në 26 qershor, sipas Luca Zuin, zëdhënës i kryebashkiakut të Venecias, dhe raportohet se do të zhvillohen në superjahtin $500 milionë të Bezos, i cili do të ankorohet në lagunën e Venecias.

Kjo vërtet mund të tingëllojë si një vend për dasmat e ëndrrave, mirëpo kufizimet për anijet e mëdha të cilat nuk mund të afrohen shumë afër sheshit historik të Shën Markut mund të pengojnë pamjen.

Jahti i Jeff Bezos është shumë i madh për t'u lejuar kudo pranë Kanalit të Madh, rrugës ujore më piktoreske të qytetit italian.

Ndonëse asnjë detaj i ceremonisë nuk është konfirmuar nga Bezos apo e fejuara e tij, qyteti konfirmoi dasmën në një deklaratë, duke shtuar se ceremonia do të ishte e menaxhueshme me vetëm 200 të ftuar.

Bezos i propozoi Lauren Sanchez, një gazetare dhe eksperte aviacioni, me një unazë diamanti 30 karatësh në vitin 2023 dhe organizoi një festë në brigjet e Amalfit, Itali, me të ftuar emra të njohur si Bill Gates, Leonardo DiCaprio, mbretëresa Rania Al Abdullah e Jordanisë dhe Kris Jenner.

Burimi: CNN