Kendall Jenner ka vendosur më në fund t’i japë fund thashethemeve që prej vitesh qarkullojnë rreth jetës së saj private, si dhe aludimeve se "është lesbike".
“Në internet ekziston një pjesë e madhe njerëzish që mendon se unë jam lezbike,” tha modelja gjatë podcastit “In Your Dreams” me Owen Thiele.
Jenner sqaroi se nuk është pjesë e komunitetit LGBTQIA+, por theksoi se nuk do ta kishte aspak problem ta deklaronte publikisht nëse do të ishte. Më pas, ajo shtoi me humor:
“Për ta sqaruar, sot për sot nuk jam [lesbike]. Nuk mendoj se do të jem, por nuk po i mbyll dyert ndaj përvojave të jetës.”
Modelja shprehu edhe frustrimin e saj për mënyrën se si njerëzit sillen ndaj këtyre thashethemeve.
“Nuk është me një qëndrim mikpritës, si: ‘Hej, nëse je, mirë se vjen’. Është qëndrim i ashpër. Është i ligë. Është shumë agresiv, si: ‘Çfarë dreqin po bën?’”
Prej vitesh, rrjetet sociale janë mbushur me thashetheme të pabaza se Jenner është lesbike ose biseksuale dhe se ka pasur lidhje të fshehta me gra të tjera. Kendall beson se këto zëra kanë lindur sepse ajo ka qenë gjithmonë shumë private për jetën e saj sentimentale.
Në një intervistë për Vogue në vitin 2018, ajo tha:
“Mendoj se është sepse nuk jam si motrat e mia, që janë: ‘Ja unë dhe i dashuri im!’”
Ajo shtoi atëherë:
“Nuk mendoj se kam ndonjë ‘kockë’ biseksuale apo lesbike në trup, por nuk e di! Kush e di?! Jam e hapur ndaj eksperiencave, nuk jam kundër aspak, thjesht nuk kam qenë kurrë në atë situatë.”
Ndër vite, Kendall Jenner ka qenë në lidhje me disa emra të njohur, përfshirë Harry Styles, Nick Jonas, Blake Griffin, Ben Simmons, Devin Booker dhe Bad Bunny.
