Tendencat e xhinseve ndryshojnë vazhdimisht, por siluetat e gjera kanë mbetur në modë prej disa vitesh dhe nuk po zhduken as në 2026-n. Mjafton të shohësh paraqitjen plot stil të Jessica Alba-s në Super Bowl.
Aktorja 44-vjeçare u shfaq në skenën e pushimit të spektaklit me një veshje tipike “Gen Z”: korse që thekson belin, çizme me platformë dhe, mbi të gjitha, një palë xhinse shumë të gjera në stil “fuçi”.
Modeli që ajo veshi është parë gjithashtu edhe te Jennifer Lopez, e cila ka zgjedhur versionin në ngjyrë të errët.
Edhe pse prerja me volum, e frymëzuar nga forma e një fuçie, mund të duket paksa sfiduese në fillim, të dyja treguan se këto xhinse janë në fakt shumë favorizuese. Ato qëndrojnë bukur në ijë, duke krijuar një pamje të rehatshme dhe të shkujdesur, ndërsa gjatësia paksa e shkurtuar kombinohet lehtësisht me çdo lloj këpuce, nga çizmet te balerinat.
Përveç stilit modern dhe përshtatjes së lehtë, këto xhinse janë të prodhuara nga copë cilësore dhe e fortë, i cila premton qëndrueshmëri për vite me radhë.
Ekziston edhe një version në formë kominoshesh me të njëjtën prerje, që ofron më shumë mundësi stilimi. Mund të kombinohen me triko sipër për t’u dukur si xhinse të zakonshme, ose me golf apo triko të ngushtë poshtë për të theksuar modelin e kominosheve.
Nëse ke hezituar të provosh xhinset në formë “fuçie”, ndoshta kjo është shenja që po prisje. Janë një kombinim i modës aktuale, rehatisë dhe prerjes që i shkon çdo moshe.
-
Gigi Hadid sapo na tregoi si të dukemi bukur, pa shumë përpjekje
12 Shkurt, 14:24 -
Jo blu, jo e zezë: Këto ngjyra do të shpëtojnë xhinset këtë sezon
11 Shkurt, 07:55 -
Kujdes! Këto 9 gjëra nuk duhet t'i fusni kurrë në lavatriçe
10 Shkurt, 14:23 -
3 trendet e ngjyrave që e bëjnë printin e kafshëve të duket kaq chic
10 Shkurt, 07:52 -
-
