Të bëhesh gati për pushimet verore nuk është kurrë aq e thjeshtë sa duket. Edhe kur i kemi të qarta gjërat, fustane të lehta pambuku, pantallona të shkurtra xhins dhe rroba banje elegante, gjithmonë ngecim tek një dilemë e zakonshme: këpucët.
Dhe jo pa arsye. Këpucët zënë goxha vend në valixhe, ndërkohë që duhet të përballojnë një sërë situatash, nga ecjet në kalldrëmin e ishullit deri tek darkat buzë detit në perëndim të diellit. Prandaj, zgjedhja e disa modeleve elegante dhe të rehatshme që kombinohen lehtësisht nga dita në mbrëmje është thelbësore.
Pavarësisht destinacionit apo stilit të pushimeve që keni planifikuar, këto janë katër palë këpucë që meritojnë patjetër një vend në valixhen tuaj dhe që nuk do t’ju bëjnë të pendoheni.
1. Sandale të lehta dhe praktike
Një palë sandale janë perfekte për ditët e pushimeve. Të lehta, të rehatshme dhe gjithmonë në modë. Zgjidhni një model në ngjyrë neutrale – mund t’i vishni në plazh, në qytet apo edhe në një drekë buzë detit.
2. Atletet – të pazëvendësueshme
Atletet janë aleatët tuaj të pushimeve. Të rehatshme, shumëfunksionale dhe gjithnjë në modë, ato mund të kombinohen me gjithçka, nga fustanet verore deri tek pantallonat e shkurtra. Ideale për eksplorime, ecje të gjata apo edhe udhëtime spontane.
3. Sandalet që përshtaten me gjithçka
Një palë sandale të thjeshta dhe elegante janë “heroina e fshehtë” e çdo gardërobe verore. Këtë sezon, sandalet me gisht ose modeli me rripa janë rikthyer fuqishëm në modë dhe janë të përsosura për t’u kombinuar pa mundim nga mëngjesi në darkë.
4. Sandalet ‘jelly’
Ky stil është bërë tashmë një domosdoshmëri verore. Sandalet ‘jelly’ janë të lehta, argëtuese dhe mund të kombinohen lehtësisht me pantallona të shkurtra, fustane mini apo funde të lehta. Një prekje lozonjare që shton stil dhe rehati.
