Katër vite më vonë, Einxhel reflekton mbi jetën e saj (e cila duket kaq e bukur!)

Einxhel/ Instagram

Katër vite më parë, Einxhel Shkira u bë pjesë e “BBVA 1”, duke përjetuar qindra emocione dhe duke i shpalosur publikut karakterin e saj unik. Përpos gjithë të tjerave (debateve, nominimeve dhe momenteve gazmore), Einxhel gjeti edhe partnerin e jetës, Arbrin, me të cilin ka dy djem.

Moderatorja u kthye pikërisht në këtë moment në jetën e saj, për të bërë një reflektim mbi atë që ishte 4 vite më parë dhe atë që është sot.

“Ndërkohë si sot, 4 vjet më parë. Kanë ndryshuar shumë gjëra që atëherë”.

Më tej, vijoi:

“Mund të më mungojë pamja e saj, trupi, flokët, fytyra… por jo jeta e saj. Ah, sikur ta dinte atë ditë se do të ishte jeta e saj pas katër vitesh, do e kishte barrën më të lehtë në shpirt dhe do flinte më e qetë.”

Einxhel e përmbylli reflektimin e saj, duke thënë se nuk e kuptonte se sa bosh ndihej, derisa përjetoi lumturinë dhe plotësimin shpirtëror.

“Nuk e kuptoja sa bosh dhe e trishtuar isha, derisa përjetova lumturinë hyjnore dhe plotësim shpirtëror. Faleminderit Zot për bekimet e tua”, përfundoi ajo.

Einxhel dhe DJ Dagz, të cilët u njohën në “BBVA”, janë prindër të dy djemve, Trev dhe Kres.