Khloé Kardashian ka risjellë një moment të dhimbshëm në jetën e saj, kur zbuloi se ish-bashkëshorti i saj, Lamar Odom, po e tradhtonte. Ajo e ndau këtë histori në një podkast, ku përshkroi se si e gjeti Odom-in në një motel në Los Angeles me një tjetër grua.

Khloé dhe Lamar ishin të martuar nga viti 2009 deri në 2016, por ata filluan të jetonin me njëri-tjetrin që nga viti 2013. Gjatë martesës, Odom pati probleme me varësinë ndaj substancave dhe ishte i pabesë ndaj Khloé-s.

2012/ Photo: Jason LaVeris/FilmMagic

Kardashian, duke rikujtuar se ishte rreth 26 vjeç në atë kohë, tha se kishte ndjekur Odom-in dhe e gjeti në një motel në qendër të Los Angeles-it. Ajo shtoi se kur shkoi drejt dhomës së tij, pa përmes dritares se ai dhe gruaja tjetër ishin të zhveshur.

Ajo e përshkroi momentin kur trokiti në derë dhe u përball me ta, si pikën ku shpërtheu nga zemërimi. Ajo tha se grushtat iu mbushën me gjak nga të goditurat dhe fill pas kësaj situate, iu desh dashur të paraqitej në një event familjar sikur asgjë të mos kishte ndodhur.

Khloé tha se kur Odom u përpoq të kuptonte se si ajo zbuloi vendndodhjen e tij, ajo ishte përgjigjur: "Nuk më intereson të të jap shpjegime. Pse je në një motel në L.A. në orën 3 të mëngjesit?"

Ajo gjithashtu zbuloi se kishte përdorur një "gjurmues" për të ndjekur makinat e partnerëve të saj të mëparshëm dhe se ky ishte një "fiksim" dhe "varësi" e saj. Megjithatë, ajo tha se tani është më e fortë dhe shpreson të mos kthehet më në atë gjendje.

2016/ Photo: Jamie McCarthy/Getty

Në vitin 2016, Khloé foli publikisht për tradhtinë e Odom-it dhe se si ai ishte shumë i mirë në maskimin e veprimeve të tij. Ajo pranoi se gjatë shumicës së martesës së tyre, nuk kishte ditur se ai e tradhtonte, por e mori vesh vetëm pas një incidenti që përfshinte alkoolin.

Sidoqoftë, Odom ka shprehur pendesë për veprimet e tij dhe ka pranuar se ka bërë një gabim të madh. Ai tha në një intervistë në vitin 2019 se kishte shumë keqardhje dhe se ndjente gjithmonë brengë për të.

Photo: Disney

Në ribashkimin e fundit të tyre, në një episod të "The Kardashians", ata diskutuan për tradhtinë dhe pendesën e Odom, ku ai shprehu keqardhje për veprimet e tij. Khloé theksoi se ishte e rëndësishme për ta mbyllur atë kapitull dhe të vazhdonte përpara.

Artikuj të sugjeruar:

^{Burimi: People}