Kim e paska ndërruar emrin para se të bëhej e famshme: “Ishte shumë i gjatë”

Kim Kardashian ka zbuluar se e ka ndryshuar emrin pak para se ajo dhe familja e saj të arrinin famën në reality show-n e famshëm “Keeping Up With the Kardashians”.

“Unë gjithmonë përdorja emrin Kimberly, deri kur nënshkruam kontratën për të bërë reality show-n. Kur pashë emrin tim në ekran: “Kimberly Kardashian”, thashë: “Mendoj se është shumë i gjatë për njerëzit. Le ta shkurtojmë thjesht në Kim,’” tha ylli i “The Kardashians”, 45 vjeç, në një intervistë për “Time”, të publikuar të enjten.

“Dhe është kaq e çuditshme, sepse të gjithë miqtë e mi nga shkolla e mesme dhe fëmijëria, si dhe babai im; të gjithë më thërrasin Kimberly.”

Themeluesja e Skims, e cila njihet për përdorimin e emrit të saj edhe në markat e ndryshme sipërmarrëse, mori gjithashtu merita për faktin se i bindi të gjithë familjarët që të pranonin reality show-n.

“Mendoj se isha unë ajo që i binda të gjithë, pa dyshim. Unë me të vërtetë e doja këtë! Doja të bëja një reality show që ditën kur doli “The Real World” i MTV-së dhe e pashë me shoqen time të ngushtë,” tregoi Kardashian, duke shtuar: “E pashë dhe i thashë: “Kjo është ajo që do të bëj”. Dhe ajo më tha: “Unë do të jem menaxherja jote”. Mendoj se ishim 11 vjeç asokohe. I thashë: “Kur të bëhemi 18, duhet të bëjmë një regjistrim dhe t’ia dërgojmë “The Real World”.’”

Edhe pse menaxherja e Kim, më vonë u bë nëna e saj, Kris Jenner, ajo filloi të punonte me producentët e “The Real World”, pasi “Keeping Up With the Kardashians” u mbështet nga Bunim/Murray, kompania që prodhoi edhe serinë e MTV-së.

Ylli i “All’s Fair” rrëfeu gjithashtu se i kishte bindur motrat e saj, Kourtney dhe Khloé Kardashian, si dhe nënën e saj, Kris Jenner, se ky show do të ishte një mundësi për të promovuar dyqanin e tyre të veshjeve, Dash, e cila sot nuk ekziston më.

“Arsyeja kryesore pse donim të nisnim show-n ishte për t’i sjellë vëmendje dyqanit tonë Dash, të paktën kështu arrita t’i bindja motrat,” tha ajo.

“U thashë se do t’i sillte një promovim të jashtëzakonshëm dyqanit tonë. Dhe sapo e dëgjuan këtë, ranë dakord.”

“Keeping Up With the Kardashians” përfundoi në vitin 2021, pas 14 vitesh në E! Network. Familja që atëherë vijon serialin në platformat streaming, me titullin “The Kardashians” në Hulu.