Aktorja Dakota Johnson dhe vokalisti i grupit Coldplay, Chris Martin, kanë vendosur t’i japin fund marrëdhënies së tyre, pas rreth shtatë vitesh së bashku. Çifti nisi lidhjen në vitin 2017 dhe u fejuan pak kohë më pas, por më 4 qershor u zbulua se ishin ndarë. Sipas një burimi pranë çiftit, arsyeja ishte se Dakota ishte e gatshme të zyrtarizonte lidhjen, ndërsa Chris jo.
“Lidhja e tyre ka përfunduar prej kohësh, por ata thjesht nuk e kishin bërë publike deri tani,” – tha burimi për DailyMail.
Ndërkohë, një tjetër burim konfirmoi për Page Six se Chris ishte lodhur nga shmangia e procesit për të caktuar një datë dasme:
“Ai ishte i lodhur duke shtyrë vazhdimisht dasmën.”
Ironikisht, lajmi për ndarjen erdhi vetëm disa ditë pasi këngëtari përmendi aktoren në një koncert të Coldplay në Las Vegas më 6 qershor, ku ishte e pranishme edhe Celine Dion.
“Faleminderit shumë të gjithëve... Mos harroni të shikoni “The Materialists”! Ju duam,” – tha ai në skenë, duke përmendur filmin më të fundit të Johnson.
Disa fansa e panë këtë si një shenjë që ndarja nuk ishte e vërtetë, por të tjerë besojnë se Chris thjesht po mbështeste ish-partneren si një gjest respekti.
