Sa herë kemi dëgjuar që kur aplikojmë blush, duhet të buzëqeshim për ta vendosur atë në mollëzat e fytyrës sonë? Pafund.

E megjithatë, sipas grimeres Kiki G., kjo këshillë jo vetëm që nuk na ndihmon, por në fakt mund të jetë e dëmshme estetikisht.

Në një video nga seria e saj në Instagram dhe TikTok “Por Why Tho?”, Kiki shpjegon se të buzëqeshësh ndërsa aplikon blush-in nuk është ideja më e mirë në fund të fundit.

Kur buzëqeshim, faqet ngrihen/tendosen. Megjithatë, kur e relaksojmë fytyrën, vendi ku kemi aplikuar blush-in “bie”, duke çuar në një pozicionim më të ulët që e bën fytyrën të duket më e lodhur ose “e tërhequr” poshtë.

Dhe jo vetëm kaq. Buzëqeshja krijon rrudha (krejtësisht natyrale, sigurisht), por nëse vendosim blush mbi to, i theksojmë edhe më shumë, edhe kur fytyra jonë është në një pozicion të relaksuar.

Zgjidhja? Ne duhet ta aplikojmë blush-in pa bërë asnjë mimikë. Përmes gishtave gjejmë pikën më të spikatur në mollëz dhe e aplikojmë atje butësisht, për një rezultat të këndshëm dhe natyral.

Shikoni dhe videon për të krijuar një ide më të saktë: