Pinterest/@nnazlidurann
Trendet e manikyrit nuk ndalen kurrë së na mahnituri, duke sjellë forma e dizanje gjithnjë e më kreative. Por ka raste kur dëshirojmë diçka më të thjeshtë: nuanca të buta që (a) kombinohen me çdo veshje, (b) nuk kërkojnë aftësi të veçanta për t’u realizuar dhe (c) theksojnë skajet e thonjve tanë me delikatesë.
Në këto raste, ju prezantojmë me thonjtë me ngjyrë qumështi, një trend që me shumë gjasë e njihni tashmë, pasi rikthehet fuqishëm çdo verë. Siç e tregon edhe emri, ky manikyr vjen në një nuancë të bardhës së tejdukshme, që i ngjan ngjyrës së qumështit. Është i thjeshtë, i rafinuar dhe diskret, por njëkohësisht i thekson skajet dhe shton elegancë në çdo paraqitjeje, pavarësisht stilit personal apo rastit.
