Dasma e kësaj vere në Venecia, ajo e Jeff Bezos dhe Lauren Sánchez, po përflitet kaq shumë sa mund të krahasohet me një “Met Gala europian”. Nga këndet piktoreske të ishullit San Giorgio Maggiore, te ceremonia në kishën historike e deri te brunch-et luksoze, të gjithë do donim të ishim në vendin e të ftuarve të çiftit të sapomartuar.
Megjithatë, s'e dimë sa do donim të ishim në vendin e Kylie Jenner, e cila duke hipur në taksinë lundruese për në ceremoninë martesore, u pa e veshur me një fustan që dukej i bardhë! Të gjithë e dimë që në çdo ceremoni martesore, ekziston rregulli i pashkruar që të ftuarit të shmangin ngjyrën e bardhë për të mos “rrëmbyer” vëmendjen nga nusja.
Kështu, reagimet e pritshme nuk vonuan. Ndër fansat dhe komentuesit në X, fjalët ishin të ashpra:
“Duket si gruaja e re… jo si dasmore!”; “Kardashian-et do përpiqen me çdo kusht të ulin nusen”; “Paratë nuk e blejnë klasin!”; “Të ekspozosh gjithçka në dasmë? E tepërt!”.
Të gjithë atë që u shqetësuan për ngjyrën e fustanit, do të zhgënjehen kur të marrin vesh se fustani Kylie-t ishte blu me detaje argjendi, por në dritën e Venecias dukej si një “e bardhë akull”.
Gjithsesi, komentuesit e dekoltesë mund të vazhdojnë kritikat, pasi kjo - kësaj radhe - nuk ishte iluzion optik.
S'e dimë nëse Lauren Sánchez i vuri re apo u shqetësua prej këtyre detajeve, por në fotot e saj ajo u shfaq e ndritshme dhe e buzëqeshur. Jeff Bezos dhe ajo udhëhoqën ceremoninë private për rreth 200 të ftuar me yjet më të mëdhenj si Oprah, Kim & Khloé Kardashian, Orlando Bloom dhe të tjerë.
