Foto: Kendall dhe Kylie Jenner/ Getty Images

Dasma e shumëpërfolur e Jeff Bezos dhe Lauren Sánchez ka mbërritur dhe yjet e famshëm kanë zbarkuar në Venecia.

Që të enjten në mbrëmje, paparacët kanë kapur emra të njohur në qytetin historik italian. Kardashian-Jenner ishin ndër të parat që mbërritën në grup, me Kim, Khloé, Kendall, Kylie dhe Kris që mbërritëm përmes taksive ujore.

Pak më vonë u panë edhe modelja Vittoria Ceretti dhe Leonardo DiCaprio. Ndërkohë, Oprah Winfrey u fotografua duke dalë nga aeroporti së bashku me shoqen e saj të ngushtë Gayle King, e cila mori pjesë më herët këtë vit në fluturimin hapësinor ekskluziv për gra, të organizuar nga vetë Lauren Sánchez.

Edhe Orlando Bloom, i cili së fundmi është ndarë nga Katy Perry, është parë veçanërisht i qetë dhe i qeshur mes të ftuarve të dasmës.

Dasma ka qenë në titujt kryesorë të mediave për javë me radhë. Ndërsa revistat rozë janë përqendruar te lista e të ftuarve VIP, media të tjera kanë raportuar edhe për protestat në Venecia nga ata që besojnë se eventi po përkeqëson problemin e mbipopullimit turistik në qytet.

Megjithatë, organizatorët e dasmës, së bashku me kryetarin e bashkisë së Venecias, kanë mohuar akuzat.

“Ne po punojmë ngushtë me organizatorët për t’u siguruar që eventi do të jetë plotësisht respektues ndaj delikatesës dhe veçantisë së qytetit,” deklaroi kryebashkiaku Luigi Brugnaro, sipas Associated Press.

Lista e të ftuarve VIP që janë parë deri tani në Venecia (me këtë rast, mund t'u hidhni një sy dhe veshjeve të tyre):

Khloe Kardashian

Kriss Jenner

Kim Kardashian

Leonardo DiCaprio

Victoria Ceretti (e dashura e Leonardo DiCaprio-s)

Oprah Winfrey

Ivanka Trump dhe Jared Kushner

Kendall dhe Kylie Jenner

Orlando Bloom