Foto: Luana Vjollca/ Instagram

Kjo datëlindje e Luana Vjollcës meriton të kthehet në festë kombëtare me gjithë vëmendjen që po merr. Siç mund ta keni parë, Luana u zgjua mëngjesin e 2 shtatorit me shtëpinë të zaptuar nga trëndafilat e kuq. Deri këtu, në rregull, ndodhej brenda shtëpisë së saj dhe trëndafilat nuk na prishën punë.

Ama, surpriza e fundit ishte dhe për "ne" dhe për Luanën. Në apartamentin e saj në Tiranë, që ndodhet në pallat, pra jetojnë dhe të tjerë njerëz, pra kemi të drejtë të ndërhyjmë për të mbrojtur të drejtat e qytetarëve, Luana e gjeti dhe korridorin të shtruar me trëndafila të kuq. 

"Ore, a jeni mirë?" thotë dhe Luana, por me sa duket të njëjtën pyetje patën dhe njerëzit.

Lolita, një faqe satirike dhe kritike në rrjetet sociale, që trajton çështje politike e shoqërore në mënyrë anonime dhe shpesh provokuese, shkroi:

"Luana Vjollca edhe 100 u bëftë, por korridoret e pallatit nuk janë skenë koncerti, as sallon dekorimi me trëndafila. Ambientet e përbashkëta nuk janë për qejfe personale dhe as për shfaqje luksi. Pse duhet të impononi tek të tjerët çështjet e dukjes suaj?"

Shumica e njerëzve në komente, siç edhe pritej, ranë dakord me kritikën:

Ndërkohë, edhe Olti Curri, a.k.a shoku i fqinjës së Luanës, Elona Duros, "denoncoi" këtë datëlindje që u kthye papritmas në çështje me interes kombëtar, por sipas stilit të vet:

Si fillim, Olti na siguroi që trëndafilat ndodhen ende korridoreve të pallatit dhe pastaj bëri komentin:

"Ta mbyll këtë histori me komentin bazik shqiptar: Njerëzit s'kanë karafila të shtyjnë muajin, këta hedhin trëndafila shkallëve."

Ja dhe disa komente nga entuziastët e karafilëve:

Dhe përditësimi më i fundit nga vetë fqinja e Luana Vjollcës, pra Elona Duro: trëndafilat vazhdojnë të kuvendojnë shkallëve të një pallati në Tiranë, që sipas Elona Duros, kanë mbushur gjithë vendin me aromën e tyre:

Për hir të Perëndisë Luana, pastroji shkallët që të qetësohemi dhe ne si komb! Gjithsesi,