Ekuinoksi i vjeshtës, i cili ndodh më 22 shtator, shënon jo vetëm fillimin kalendarik të stinës, por edhe hyrjen në një fazë të re astrologjike, të mbushur me energi të balancuara, ndjenja të thelluara dhe mundësi për rilindje emocionale. Pavarësisht nëse jeni në një lidhje apo jo, vjeshta është momenti ideal për të rikthyer ekuilibrin tuaj të brendshëm dhe për të ndërtuar themelin emocional për muajt e ftohtë që vijnë.
Nga ekuinosi i vjeshtës deri në solsticin e dimrit më 21 dhjetor, përjetojmë ndikimin e tre shenjave me natyrë krejt të ndryshme, por thellësisht transformuese:
Peshorja (balanca në marrëdhënie)
Akrepi (intensiteti emocional dhe lidhjet e thella)
Shigjetari (entuziazmi dhe optimizmi në dashuri dhe në jetë)
Kjo periudhë është ideale për ndërtimin e lidhjeve më të thella dhe për rritje personale, si në dashuri, ashtu edhe në sfera të tjera të jetës.
Planeti i dashurisë, Afërdita, luan një rol kyç gjatë muajve të vjeshtës:
Në shtator dhe fillim tetori, ndodhet në Virgjëreshën analitike, duke sjellë më shumë kritikë e vetëreflektim në marrëdhënie.
Më 13 tetor, kalon në Peshore, shenjën e saj të preferuar, duke hapur një fazë harmonie, romantike dhe ekuilibri.
Më 6 nëntor, ajo zhvendoset në Akrepin pasionant, ku ndjenjat thellohen dhe ndjeshmëria rritet.
Më 30 nëntor, ajo përfundon ciklin duke hyrë në Shigjetar, me një qasje më të lirshme dhe optimiste ndaj dashurisë.
Një konfigurim i rrallë astrologjik ndodh më 26 nëntor, kur Afërdita në Akrep formon një “Trin të Madh të Ujit” me Jupiterin në Gaforre dhe Saturnin në Peshq. Kjo ditë shihet si më e favorshmja për marrëdhënie të qëndrueshme, lidhje të reja apo përforcim të lidhjeve ekzistuese. Një ditë ideale për të ndjekur zemrën tuaj dhe për ta bërë këtë me maturi.
Hëna kalon në Peshq më 27 nëntor, duke rritur ndjeshmërinë dhe përfshirjen emocionale. Më 29 nëntor, Afërdita lidhet me Neptunin, planetin e ëndrrave dhe intuitës, duke krijuar një atmosferë magjike, të thellë dhe romantike pothuajse si në përralla.
Me pesë planetë që bashkëveprojnë në një qiell të ngarkuar emocionalisht, fundi i nëntorit sjell një valë të fuqishme energjie romantike.
