Nga gjëra që s’i prisnim, por mund të ndodhin, mbase ka një dramë mes Noizy-t dhe Don Xhonit, nisur nga postimet e tyre në Instagram.
Gjithçka nisi me një postim të Don Xhonit, i cili publikoi në Instastory një foto, ku shfaqet me celular pranë një makine.
“Alo, dyshi, njëshi këtu”, duke nënkuptuar që ka marrë ‘dyshin’ në telefon për t’i treguar se kush është ‘njishi’.
Pak orë më vonë, Noizy publikoi një foto, pranë një Lamborghini lejla, të mbushur me lekë, me telefon në dorë dhe në mbishkrim shkroi:
“1-shi, 2-shi, 3-shi, pastaj vazhdojnë të tjerët”.
View this post on Instagram
Më tej, (ndoshta) vijuan me kunja në story, ku Noizy shkroi: "Ashtu mendova edhe unë", ndërsa Don Xhon: "Come on Barbie, let's go party!" (me sfond lejla, njëjtë si Lambo-ja e Noizy-t, se djalli fshihet në detaje).
Se ç’ka ndodhur dhe se ç’kanë çunat me njëri-tjetrin s’e dimë, por gati jemi për ta marrë vesh dramën, megjithëse nuk përjashtohet mundësia që të sjellin një bashkëpunim dhe po na japin 'hints'.
Kujtojmë se më parë, Noizy, i ftuar në "Why Not", u shpreh se Don Xhoni kur ka qenë më i ri, ka qenë fansi i tij.
"Don Xhoni ka qenë një fans i imi në moshë të re. Do i kisha bërë pyetje: "Sa vjeç ke qenë?"; "Ke rastisur ndonjëherë në një koncert timin?" e kisha përgëzuar për suksesin që po korr. Bravo i qoftë", tha ai asokohe.
