Nuk janë të gjithë të fiksuar pas çantave apo takave 12 cm, disa prej nesh (me ndihmën e Jennifer Lopez) kanë vendosur t’i rikthejnë vëmendjen espadrileve. Po, atyre këpucëve që dikur i mbanim vetëm për pushime në jug, tani J.Lo na bind që mund t’i bëjmë pjesë të përditshmërisë sonë, me një truk shumë të thjeshtë: xhinset e bardha!
Ikona e stilit postoi disa foto në Instagram ku shfaqet mbi një biçikletë, e veshur me një triko të bardhë, xhinse të bardha me prerje të drejtë dhe espadrile Celine. Kombinimi është një kthim i përkryer në kohë, por me nuanca që të bëjnë të mendosh se kjo veshje do të funksionojë edhe në fillim të kësaj vjeshte.
Espadrilet, që shumë prej nesh i kemi lënë diku cepave në dollap ose më keq, i kemi hedhur/dhuruar, rikthehen në qendër të vëmendjes falë këtij kombinimi minimalist.
Dhe jo, nuk është thjesht fakti që janë Celine që i bën të duken luksoze. Ajo që u jep gjithë “shkëlqimin” është pikërisht thjeshtësia dhe eleganca e xhinseve të bardha.
Kombinimi i tonaliteteve të pastra, të bardha, sjell një balancë perfekte mes veshjes së thjeshtë, por super elegante, një estetikë që J.Lo e zotëron prej dekadash.
-
-
-
-
-
Ngjyrat neon rikthehen në modë (por jo si dikur)
26 Gusht, 10:03 -
