Foto: Getty Images

Fjala “i zgjuar” përdoret shpesh, aq shpesh, saqë ndonjëherë e ka humbur kuptimin. Nëse dikush është i mirë në matematikë, themi “është shumë i zgjuar”. Nëse dikush bën një batutë në kohën e duhur, prapë “i zgjuar”. Por të jesh vërtet smart është pak më komplekse.

Nëse i ke këto 4 shenja, ka shumë gjasa që je më përpara se shumica:

1. Kërkon mendimin e të tjerëve dhe nuk ke frikë të pranosh që nuk i di të gjitha

Njerëzit e zgjuar nuk hiqen sikur i dinë të gjitha. Në fakt, e dinë shumë mirë që sa më shumë të dish, aq më shumë kupton se sa pak di. Prandaj pyesin, dëgjojnë, mësojnë. Janë ata që duan të jenë në një dhomë me njerëz më të zgjuar se vetja - jo për konkurrencë, por për rritje.

2. E nuhat menjëherë kur diçka nuk shkon

Nëse e ndjen menjëherë kur një situatë është toksike, p.sh. një bisedë me shumë thashetheme që të bën të ndihesh jo mirë dhe thjesht largohesh me klas, urime. Vetëdija është superfuqi. Të ndihmon të kuptosh çfarë të bën mirë, çfarë jo, dhe kur është koha për të thënë "jo, faleminderit".

3. Dëshiron të mësosh më shumë dhe gjithmonë bën pyetje

Jo, nuk kanë nevojë të dinë çdo fakt në botë, por njerëzit vërtet të zgjuar janë “të etur” për të mësuar. Janë ata që humbasin në artikuj të gjatë, që hapin 6 dritare të reja në Google sepse një temë i çoi te një tjetër. Sipas një studimi, kurioziteti lidhet direkt me aftësinë për të zgjidhur probleme dhe për të menduar jashtë kornizave.

4. Dëgjon

Shumica prej nesh mendojnë çfarë do të thonë më pas ndërkohë që tjetri flet. Njerëzit e zgjuar jo vetëm që dëgjojnë, por e bëjnë bashkëbiseduesin të ndihet i dëgjuar. Kjo është aftësi, jo rastësi. Dëgjimi aktiv nuk është thjesht mirësjellje, por mjet për të ndërtuar raporte, për të kuptuar më thellë dhe për të marrë informacion që të tjerët e humbasin.

Nëse bën edhe ti ndonjë nga këto sjellje - edhe vetëm në njërën - ka shumë mundësi që je më i/e zgjuar seç mendon. E rëndësishme është të jesh gjithmonë në kërkim, jo në garë.