Pas 4 vitesh shkëputje, Linda Rama iu rikthye intervistave përmes pjesëmarrjes në puntatën e fundit të “Në kurthin e Piter Pan”. Ajo rrëfeu disa detaje nga raporti me të birin dhe bashkëshortin, kryeministrin Rama. "Edi Rama duket tip i fortë, por a ka qarë ndonjëherë" ishte pyetja njërit prej fëmijëve.

“Po. Unë e kam parë lotin e Edit...kur ka humbur miqtë e ngushtë”, tregoi ajo pa u zgjatur më shumë.

Ndër të tjera, Linda u ndal edhe pak tek vogëlushi Zaho, i cili sipas saj s’e ka ndarë mendjen se çfarë do të bëhet kur të rritet.

“Në festës e 1-vjetorit e vendosëm në tepsi duke e rrethuar me sende, si stetoskopin e doktorit, libër, çelësat e makinës, kaseta filmash. Dhe Zaho zgjodhi pikërisht kasetat. Kur ishte 2 vjeç tha se do të bëhej shofer, ndërsa tani ka qejf të jetë si Spiderman-i.”