Para pak ditësh në Anabel.al realizuam një sondazh, me qëllimin e vetëm për të kuptuar diçka mbi pushimet ideale të shqiptarëve.

Në vijim po ndajmë me ju rezultatet e këtij sondazhi, në mëyrë që t’ju lejojmë të merrni vesh destinacionet e prefreruara të pushimeve për këtë verë.

Si fillim duhet thënë se rreth 70% e votuesve nuk i kishin nisur ende pushimet verore. 19% e tyre i kishin nisur, ndërsa 10% kanë treguar se nuk e kishin në plan të bënin pushime këtë verë.

Destinacioni i preferuar për pushime në vendin tonë nisur nga rezultatet e sondazhit duket se është Bregdeti Jon. 79% e votuesve kanë zgjedhur pikëriisht këtë zonë të Shqipërisë si destinacionin e tyre të preferuar. Ndërkohë që 14% kanë zgjedhur Bregdetin Adriatik dhe vetëm 7% e votuesve në sondazh kanë klikuar në Alpet Shqiptare.

Pavarësisht dëshirës për të shijuar perlat e vendit tonë, pjesa më e madhe e votuesve në sondazh kanë treguar se preferojnë më shumë pushimet jashtë Shqipërisë. 76% e votuesve kanë treguar se pushimet preferojnë t’i kalojnë jashtë Shqipërisë dhe vetëm 24% kanë përgjedhur vendin tonë si destinacion për të pushuar.

Ama pavarësisht kësaj zgjedhjeje 73% e votuesve në sondazh kanë treguar gjithashtu se janë të gatshëm që vendin tonë t’ja rekomandojnë si destinacion pushimesh miqve të tyre, ndërsa vetëm 27% kanë treguar se nuk janë të gatshëm të bëjnë të njejtën gjë.

Copyright Anabel.al / Ndalohet ribotimi pa lejen e redaksisë.