Paçka se e vogla Ariana Grande me zë të madh dhuroi një super performancë të ndjerë të “(You Make Me Feel Like) A Natural Woman” gjatë ceremonisë në nder të Aretha Franklin, gjithë vëmendjen e mori fustani i saj.

Siç mund ta shihni, këngëtarja zgjodhi një fustan të zi të shkurtër, të ngushtë në pjesën e belit dhe më të hapur në pjesën e poshtme. Menjëherë sapo fotot u bënë virale, njerëzit në internet nisën të kritikonin 24-vjeçaren për mungesë respekti dhe klasi nisur nga fustani rreth 1 pëllëmbë (ose më tepër) sipër gjurit...

...më i shkurtër ose të paktën aq sa gjatësia e flokëve të kapur bisht.

“Më vjen keq për Ariana Grande-n, por fustani i saj është shumë i shkurtër për të marrë pjesë në një funeral”, shkruan dikush.

“Bishti i flokëve të Ariana-s është më i gjatë se vetë fustani i saj”, ironizon dikush tjetër.

“Si mundi të hynte në kishë Ariana Grande e veshur me atë fustan.”

“Ok, jam dakord që ti je Ariana Grande, por je në FUNERALIN E MBRETËRESHËS SË MUZIKËS SOUL. KI PAK KLAS.”

“S’mund ta besoj që Ariana hyri në shtëpinë e Zotit për të marrë pjesë në një funeral me atë fustan të shkurtër”, habitet një tjetër ndjekës.

“Jennifer Huston në funeral ishte kaq shik. Merr disa shënime Ariana. Kështu vishesh për një funeral, jo sikur po shkon në klab.”